ఓలా, ఉబర్‌ రద్దు చేయాల్సిందే

ఓలా, ఉబర్‌ రద్దు చేయడంతో పాటు పెరిగిన పెట్రోల్‌, డీజిల్‌ ధరలు తగ్గించాలని డిమాండ్‌ చేస్తూ సోమవారం నల్గొండ జిల్లాలో ఆటో బంద్‌ నిర్వహించారు. అందులో భాగంగా ఆటో ర్యాలీ తీసి.. కేంద్ర, రాష్ట్ర ప్రభుత్వాల ప్రజా వ్యతిరేక విధానాలను ఎండగట్టారు.

సిటీబ్యూరో, జూన్‌ 8 (నమస్తే తెలంగాణ) : ఓలా, ఉబర్‌ రద్దు చేయడంతో పాటు పెరిగిన పెట్రోల్‌, డీజిల్‌ ధరలు తగ్గించాలని డిమాండ్‌ చేస్తూ సోమవారం నల్గొండ జిల్లాలో ఆటో బంద్‌ నిర్వహించారు. అందులో భాగంగా ఆటో ర్యాలీ తీసి.. కేంద్ర, రాష్ట్ర ప్రభుత్వాల ప్రజా వ్యతిరేక విధానాలను ఎండగట్టారు.

ఈ బంద్‌కు నగర ఆటో డ్రైవర్లు, యూనియన్‌ నాయకులు తరలివెళ్లి తమ మద్దతు ప్రకటించారు. ఈ సందర్భంగా బీఆర్‌టీయూ ఆటో యూనియన్‌ ప్రెసిడెంట్‌ వేముల మారయ్య మాట్లాడుతూ.. జిల్లాల వారీగా ఆటో బంద్‌ నిర్వహిస్తున్నామని, అందులో భాగంగా తొలుత నల్గొండ జిల్లా బంద్‌ నిర్వహించినట్లు వివరించారు.