3వ తేదీన వెస్ట్ మారేడ్‌ప‌ల్లిలో 468 డ‌బుల్ బెడ్రూం ఇండ్లు ప్రారంభం

హైద‌రాబాద్ : కంటోన్మెంట్ నియోజకవర్గ పరిధిలోని వెస్ట్ మారేడ్‌ప‌ల్లిలో నూత‌నంగా నిర్మించిన 468 డ‌బుల్ బెడ్రూం ఇండ్ల‌ను ఈ నెల 3వ తేదీన ఉద‌యం 9:30 గంట‌ల‌కు రాష్ట్ర ఐటీ, పుర‌పాల‌క శాఖ మంత్రి కేటీఆర్ ప్రారంభించ‌నున్న‌ట్లు మంత్రి త‌ల‌సాని శ్రీనివాస్ యాద‌వ్ మంగ‌ళ‌వారం ప్ర‌క‌టించారు. 5.18 ఎకరాల విస్తీర్ణంలో 36.27 కోట్ల రూపాయల వ్యయంతో ఈ ఇండ్ల‌ను నిర్మించారు. రూ. 3.51 కోట్ల వ్యయంతో రోడ్లు, డ్రైనేజి, విద్యుత్ సౌకర్యాలు కల్పించామ‌ని తెలిపారు. మంచినీటి సౌకర్యం కోసం 50 వేల లీటర్ల సామర్థ్యం కలిగిన 4 సంపులను నిర్మించిన‌ట్లు వివ‌రించారు.