పల్లెల్లో ప్రగతి సంబురాలు

రాష్ట్ర అవతరణ దశాబ్ది ఉత్సవాల్లో భాగంగా మేడ్చల్‌ జిల్లాలోని మేడ్చల్‌, కీసర, ఉమ్మడి మీర్‌పేట శామీర్‌పేట, ఘట్‌కేసర్‌ మండలాల్లో పల్లె ప్రగతి కార్యక్రమం నిర్వహించారు. ఆయా మండలాల్లోని గ్రామాల్లో సర్పంచుల అధ్యక్షతన గ్రామ పంచాయతీ కార్యాలయాల వద్ద జాతీయ జెండాను ఎగురవేసి గ్రామ సభలు నిర్వహించారు.

• అభివృద్ధి నివేదికను చదివి వినిపించిన ప్రజాప్రతినిధులు
• పలు సంక్షేమ పథకాల లబ్ధిదారుల వివరాలు వెల్లడి
• అభివృద్ధిపై నాడు – నేడుతో ఫొటో ప్రదర్శనలు
• పారిశుధ్య కార్మికులకు సన్మానం

కీసర/ మేడ్చల్‌ రూరల్‌ / శామీర్‌పేట / ఘట్‌కేసర్‌ రూరల్‌, జూన్‌ 15 : రాష్ట్ర అవతరణ దశాబ్ది ఉత్సవాల్లో భాగంగా మేడ్చల్‌ జిల్లాలోని మేడ్చల్‌, కీసర, ఉమ్మడి మీర్‌పేట శామీర్‌పేట, ఘట్‌కేసర్‌ మండలాల్లో పల్లె ప్రగతి కార్యక్రమం నిర్వహించారు. ఆయా మండలాల్లోని గ్రామాల్లో సర్పంచుల అధ్యక్షతన గ్రామ పంచాయతీ కార్యాలయాల వద్ద జాతీయ జెండాను ఎగురవేసి గ్రామ సభలు నిర్వహించారు. పల్లె ప్రగతిలో భాగంగా సాధించిన ప్రగతిని ఫ్లెక్సీలు, పోస్టర్లు అతికించడంతో పాటు ప్రగతి నివేదిక, సంక్షేమ పథకాల లబ్ధిదారుల వివరాలను పంచాయతీ ఆవరణలో నిర్వహించిన సభలో చదివారు. అలాగే గ్రామాల్లోని డంపింగ్‌ యార్డులు, వైకుంఠధామాలు, హరిత నర్సరీలు, పల్లె ప్రకృతి వనాలను గ్రామ ప్రజలతో కలిసి ప్రజా ప్రతినిధులు, అధికారులు ర్యాలీగా వెళ్లి సందర్శించారు. అన్ని పంచాయతీల్లో పంచాయతీ సిబ్బంది, కార్మికులను పారిశుద్ధ్య సిబ్బందికి సర్టిఫికెట్‌లను అందజేసి సన్మానించారు.

• సంక్షేమ పథకాల అమలులో రాష్ట్రం ముందు వరుసలో ఉన్నదని జిల్లా గ్రంథాలయ సంస్థ చైర్మన్‌ దర్గ దయాకర్‌ రెడ్డి అన్నారు. ఘట్‌కేసర్‌ మండల పరిధిలోని కాచావానిసింగారం, చౌదరిగూడ, కొర్రెముల నిర్వహించిన కార్యక్రమాల్లో పాల్గొన్నారు.
• కీసర మండలంలో నిర్వహించిన కార్యక్రమంలో ఎంపీడీవో లక్ష్మీవత్సలదేవి, సర్పంచులు మాధురి వెంకటేశ్‌, గోపాల్‌రెడ్డి, మహేందర్‌రెడ్డి, ధర్మేందర్‌, పెంటయ్య, కవితాజైహింద్‌రెడ్డి, రాజుముదిరాజ్‌, సత్తమ్మ, ఆండాలుమల్లేశ్‌, మోర విమలనాగరాజు , పంచాయతీ కార్యదర్శులు, పంచాయతీ సభ్యులు పాల్గొన్నారు.
• ఉమ్మడి శామీర్‌పేట్‌ మండలంలో నిర్వహించిన కార్యక్రమాల్లో సర్పంచులు జాము రవి, ఇస్తారి, వనజాశ్రీనివాస్‌రెడ్డి, సుకన్య, బాలమణి, గీతామహేందర్‌, భాస్కర్‌, ఉపసర్పంచ్‌లు, వార్డు సభ్యులు,కార్యదర్శులు, అధికారులు, ప్రజాప్రతినిధులు పాల్గొన్నారు.
• ఘట్‌కేసర్‌ మండలంలోని గ్రామాల్లో నిర్వహించిన కార్యక్రమంలో మండల సర్పంచుల సంఘం అధ్యక్షుడు వెంకటేశ్‌ గౌడ్‌, సర్పంచులు కొంతం వెంకట్‌ రెడ్డి, బైరు రమాదేవి రాములు గౌడ్‌ తదితరులు పాల్గొన్నారు.
• మేడ్చల్‌ మండలంలోని గ్రామాల్లో నిర్వహించిన దశాబ్ది కార్యక్రమాల్లో సర్పంచులు, ఎంపీటీసీలు, పంచాయతీ కార్యదర్శులు, నాయకులు, ప్రజలు పాల్గొన్నారు.