ఈజీ మనీ కోసం స్నాచింగ్ బాట
ఆన్లైన్లో పేకాట.. క్రికెట్ బెట్టింగ్ ఆడుతూ భారీగా నష్టపోయాడు. ఈజీగా డబ్బు సంపాదించేందుకు పథకం వేశాడు. యూట్యూబ్, ఫేస్బుక్లో వీడియోలు చూసి స్నాచింగ్లకు పాల్పడుతున్న ఓ యువకుడిని పోచంపల్లి పోలీసులు ఆరు గంటల వ్యవధిలో అరెస్టు చేశారు. శుక్రవారం ఎల్బీనగర్లోని క్యాంప్ కార్యాలయంలో ఏర్పాటు చేసిన విలేకరుల సమావేశంలో రాచకొండ పోలీసు కమిషనర్ డీఎస్ చౌహాన్ కేసు వివరాలను వెల్లడించారు.
- యూట్యూబ్, ఫేస్బుక్లో చూసి స్నాచింగ్లపై అవగాహన
- పోచంపల్లిలో వృద్ధురాలి పుస్తెలతాడు తెంచుకొని పరార్
- ఆరు గంటల్లో నిందితుడిని పట్టుకున్న రాచకొండ పోలీస్
సిటీబ్యూరో, సెప్టెంబర్ 8 (నమస్తే తెలంగాణ): ఆన్లైన్లో పేకాట.. క్రికెట్ బెట్టింగ్ ఆడుతూ భారీగా నష్టపోయాడు. ఈజీగా డబ్బు సంపాదించేందుకు పథకం వేశాడు. యూట్యూబ్, ఫేస్బుక్లో వీడియోలు చూసి స్నాచింగ్లకు పాల్పడుతున్న ఓ యువకుడిని పోచంపల్లి పోలీసులు ఆరు గంటల వ్యవధిలో అరెస్టు చేశారు. శుక్రవారం ఎల్బీనగర్లోని క్యాంప్ కార్యాలయంలో ఏర్పాటు చేసిన విలేకరుల సమావేశంలో రాచకొండ పోలీసు కమిషనర్ డీఎస్ చౌహాన్ కేసు వివరాలను వెల్లడించారు. పోచంపల్లికి చెందిన లక్ష్మమ్మ(65) ఊరిలో నడుచుకుంటూ వెళ్తుండగా.. బైక్పై వచ్చిన యువకుడు ఆమె మెడలో నుంచి పుస్తెలతాడు లాక్కొని పారిపోయాడు. ఘటన జరిగిన వెంటనే బాధితురాలు డయల్ 100కు కాల్ చేయడంతో పోలీసులు రంగంలోకి దిగారు. సీసీ కెమెరాలు, ఆ గ్రామానికి వచ్చిపోయే మార్గాలపై పోలీసులు నిఘాపెట్టి నిందితుడిని ఆరు గంటల్లో పట్టుకున్నారు. విచారణలో అతడు హయత్నగర్లో ఉంటూ ఆర్టీఏ ఏజెంట్గా పనిచేస్తున్నాడని పోలీసులు గుర్తించారు. నిందితుడికి పెళ్లి అయ్యిందని, ఆన్లైన్లో పేకాట, క్రికెట్ బెట్టింగ్, మద్యం మత్తుకు బానిసై దాదాపు రూ.20 లక్షలు నష్ట పోయాడని సీపీ తెలిపారు. దీంతో అతడికి ఈజీగా డబ్బు సంపాదించాలనే ఆలోచన పుట్టింది. స్నాచింగ్లు చేసి డబ్బు సంపాదించాలనుకున్నాడు. అందుకు యూట్యూబ్, ఫేస్బుక్లో స్నాచింగ్లు ఎలా చేయాలో చూసి, నేరాలు చేయడం మొదలు పెట్టాడని సీపీ వివరించారు.
దొంగల ముఠా అరెస్టు 680 గ్రాముల బంగారం, 2479 గ్రాముల వెండి స్వాధీనం
ఇంటి తాళాలు పగులగొట్టి చోరీలకు పాల్పడుతున్న దొంగల ముఠాను కీసర పోలీసులు అరెస్టు చేశారు. ఈ ముఠా నుంచి రూ.50 లక్షల విలువజేసే 680 గ్రాముల బంగారు నగలు, 2479 గ్రాముల వెండి వస్తువులు, ఎలక్ట్రానిక్ వస్తువులు, వాహనాలు స్వాధీనం చేసుకున్నారు. సీపీ డీఎస్ చౌహాన్ కథనం ప్రకారం.. మేడ్చల్ జిల్లా జవహర్నగర్కు చెందిన రామకృష్ణ (35), చెన్నాపురం దేవేందర్నగర్ నివాసి కాగ్ గోవింద్ (36), మహేందర్ పవార్ (36), సంతోష్ (40) ఒక ముఠాగా ఏర్పడ్డారు. వీరిలో రామకృష్ణ ఆన్లైన్ గేమింగ్లో నష్టపోయాడు. ఇదిలా ఉండగా.. ఈ నలుగురు కలిసి తాళాలు వేసి ఉన్న ఇండ్లను టార్గెట్ చేసుకొని దొంగతనాలు చేస్తున్నారు. ఈ ముఠా 22 చోరీలకు పాల్పడింది. చాలా కాలంగా తప్పించుకుతిరుగుతున్న ఈ ముఠాను కీసర పోలీసులు అరెస్టు చేశారు. వీరి వద్ద నుంచి చోరీ సొత్తును స్వాధీనం చేసుకున్నారు. ఈ మేరకు కీసర పోలీసులను రాచకొండ సీపీ డీఎస్ చౌహాన్ అభినందించారు. ఈ సమావేశంలో మల్కాజిగిరి ఇన్చార్జి డీసీపీ గిరిధర్, కీసర ఇన్స్పెక్టర్ వెంకటయ్య తదితరులు పాల్గొన్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
TTD | సెక్యూరిటీ ,విజిలెన్స్ గార్డు నియామక నిబంధనల్లో ఎలాంటి మార్పులు చేయలేదు : టీటీడీ
YS Jagan | సమగ్రమైన కుల గణనకు వైసీపీ మద్దతు : వైఎస్ జగన్
Health tips | మీ రోజువారీ డైట్లో వెల్లిపాయలుంటే కలిగే 10 ఆరోగ్య ప్రయోజనాల గురించి తెలుసా..?
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

