ఇమ్యూనిటీ పెంచుకుందాం

వర్షాకాలం అంటేనే లేనిపోని రోగాలు, ఇన్ఫెక్షన్లు పలకరిస్తుంటాయి! వాటిబారిన పడకుండా ఉండాలంటే.. రోగనిరోధక శక్తిని పెంచుకోవాలి. ఇందుకోసం సరైన పోషకాలతో కూడిన సమతులాహారం తీసుకోవాలి. ఇంట్లో ఉండే సాధారణ పదార్థాలతోనే.. అద్భుతమైన ఇమ్యూనిటీని సొంతం చేసుకోవచ్చు.

వర్షాకాలం అంటేనే లేనిపోని రోగాలు, ఇన్ఫెక్షన్లు పలకరిస్తుంటాయి! వాటిబారిన పడకుండా ఉండాలంటే.. రోగనిరోధక శక్తిని పెంచుకోవాలి. ఇందుకోసం సరైన పోషకాలతో కూడిన సమతులాహారం తీసుకోవాలి. ఇంట్లో ఉండే సాధారణ పదార్థాలతోనే.. అద్భుతమైన ఇమ్యూనిటీని సొంతం చేసుకోవచ్చు.

సీజనల్‌ పండ్లు : వర్షాకాలంలో రోగనిరోధక శక్తిని పెంచుకోవడానికి సీజనల్‌ పండ్లను ఆశ్రయించాలి. ఆపిల్‌, జామ, లిచీ, బొప్పాయి, దానిమ్మ వంటి పండ్లు ఆహారంలో భాగం చేసుకోవాలి.

అల్లం: వైరల్‌, బ్యాక్టీరియల్‌ ఇన్ఫెక్షన్లను ఎదుర్కోవడంలో అల్లం అద్భుతంగా పనిచేస్తుంది. యాంటి ఆక్సిడెంట్లతో నిండిన అల్లం.. రోగనిరోధక శక్తిని పెంచుతుంది. అందుకే.. వర్షాకాలంలో అల్లం టీ తాగడం అలవాటు చేసుకోవాలి.

వెల్లుల్లి: యాంటి బ్యాక్టీరియల్‌, యాంటి వైరల్‌ లక్షణాలతో నిండిన వెల్లుల్లి.. ఇమ్యూనిటీని అమాంతం పెంచేస్తుంది. కూరల్లో కొద్దిగా వెల్లుల్లి వేసుకుంటే చాలు.. ఎలాంటి రోగాలు దరిచేరవు.

పెరుగు: వర్షాకాలంలో పెరుగు తీసుకుంటే.. జలుబు చేస్తుందని భయపడుతుంటారు. కానీ, పెరుగు గట్‌ బ్యాక్టీరియాను ప్రోత్సహిస్తుంది. శరీరంలోకి చెడు బ్యాక్టీరియా చేరకుండా కాపాడుతుంది.

పసుపు: ఇందులో లభించే ‘కర్క్యుమిన్‌’ అనే సమ్మేళనం.. ఇన్ఫెక్షన్లు సోకకుండా కాపాడుతుంది. జ్వరం, దగ్గు వంటి సమస్యలను తరిమికొడుతుంది. రోజువారీ వంటల్లో కాస్త పసుపు వేస్తే.. శరీరానికి కావాల్సిన రోగనిరోధక శక్తి లభిస్తుంది.

మునగ: విటమిన్‌ ఎ, విటమిన్‌ సి, ఐరన్‌, క్యాల్షియంతో నిండి ఉండే మునగాకులు.. అనేక ఆరోగ్య ప్రయోజనాలు అందిస్తాయి. రోగనిరోధక శక్తినీ బలోపేతం చేస్తాయి.

ఇవి వద్దు..

• ముందుగా కట్‌ చేసిన పండ్లు, వేయించిన ఆహారం, జంక్‌ ఫుడ్‌, స్ట్రీట్‌ ఫుడ్‌కూ పూర్తిగా దూరంగా ఉండండి.
• లస్సీ, పుచ్చకాయను తీసుకోకపోవడమే మంచిది.
• ఈ కాలంలో మాంసాన్ని తక్కువగా తీసుకోండి.