Banana Leaves | అర‌టి ఆకుల్లో భోజ‌నం చేస్తే శ‌రీరానికి ఎంత మేలంటే..!
అర‌టి ఆకుల్లో (Banana Leaves) భోజ‌నం చేయ‌డం భార‌తీయుల్లో అనాదిగా వ‌స్తున్న సంప్ర‌దాయం. ఆధునిక బిజీ లైఫ్‌లో అరిటాకు భోజ‌నాలు అరుదైనా ఇప్ప‌టికీ ప‌ల్లెల్లో, పండుగలు, శుభ‌కార్యాల్లో అర‌టి ఆకుల్లో భోజ‌నం వ‌డ్డించ‌డం చూస్తుంటాం.
న్యూఢిల్లీ : అర‌టి ఆకుల్లో (Banana Leaves) భోజ‌నం చేయ‌డం భార‌తీయుల్లో అనాదిగా వ‌స్తున్న సంప్ర‌దాయం. ఆధునిక బిజీ లైఫ్‌లో అరిటాకు భోజ‌నాలు అరుదైనా ఇప్ప‌టికీ ప‌ల్లెల్లో, పండుగలు, శుభ‌కార్యాల్లో అర‌టి ఆకుల్లో భోజ‌నం వ‌డ్డించ‌డం చూస్తుంటాం. అర‌టి ఆకును ప్లేట్‌లా ఉప‌యోగిస్తూ ఆహార ప‌దార్ధాల‌ను వ‌డ్డించ‌డం ద‌క్షిణాసియా దేశాల్లోనూ సంప్ర‌దాయంగా వ‌స్తోంది. అర‌టి ఆకులు స‌హ‌జ‌సిద్ధ‌మైన‌వే కాకుండా బ‌యోడీగ్రేడ‌బుల్‌, విస్తృతంగా అందుబాటులో ఉండ‌టం, పర్యావ‌ర‌ణ‌హిత‌మైన‌వి కావ‌డంతో వీటి వాడ‌కం మేలైన‌ద‌ని నిపుణులు చెబుతున్నారు.
అంతేకాకుండా అర‌టి ఆకులు వాట‌ర్ ఫ్రూప్ కావ‌డంతో వీటిలో భోజ‌నం చేయ‌డం సౌక‌ర్య‌వంతంగా ఉంటుంది. అర‌టి ఆకులో భోజ‌నం చేయ‌డం వంట‌కాల రుచిని, ఫ్లేవ‌ర్‌ను పెంచుతుంది. ఇక అర‌టి ఆకుల్లో భోజ‌నం చేయ‌డం ద్వారా ప్ర‌యోజ‌నాల‌ను ప‌రిశీలిస్తే అర‌టి ఆకులు స‌హ‌జ‌మైన డిస్ఇన్ఫెక్టెంట్‌గా చెబుతారు. ఇవి ఆహారంలో ఉన్న హానికారక బ్యాక్టీరియా న‌శించేలా చేస్తాయి.
అర‌టి ఆకుల్లో పాలీపెనాల్స్, విట‌మిన్ ఏ, విట‌మిన్ సీ వంటి అత్య‌వ‌స‌ర పోష‌కాలు శ‌రీరానికి మేలు చేస్తాయి. అర‌టి ఆకుపై భోజ‌నం వ‌డ్డించ‌గానే ఆకులోఉండే ఈ పోష‌కాల్లో కొన్ని ఆహారంలోకి చేరతాయి. కొన్ని సింథ‌టిక్ ప్లేట్ల‌తో పోలిస్తే అర‌టి ఆకులు ఎలాంటి టాక్సిన్స్‌ను, హానికారక కెమిక‌ల్స్‌ను ఆహారంలోకి విడుద‌ల చేయ‌వు. అర‌టి ఆకుల్లో భోజ‌నం చేయ‌డం ద్వారా జీర్ణ‌క్రియ స‌జావుగా సాగుతుంది. అర‌టి ఆకుల్లో ఉండే పాలీపెనాల్స్ డైజెస్టివ్ ఎంజైమ్స్‌ను ప్రేరేపించ‌డం ద్వారా జీర్ణ‌క్రియ‌ను మెరుగుప‌రిచి పోష‌కాల‌ను మెరుగ్గా గ్ర‌హించేలా చేస్తాయి.
Read More :
Magnesium | మెగ్నీషియం లోపిస్తే శ‌రీరంలో ఏం జ‌రుగుతుంది..ఈ లోపానికి చెక్‌ పెట్టాలంటే..!
Read Today's Latest Health News in Telugu and Telugu News
- Follow Us :
-
