KTR | ఇది కాలం తెచ్చిన కరువు కాదు.. కాంగ్రెస్ ప్రభుత్వం తెచ్చిన కరువు: కేటీఆర్
KTR | ఇది ప్రకృతి వల్ల వచ్చిన కరువు కాదని.. కాంగ్రెస్ తెచ్చిన కరువు అని బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. కాళేశ్వరం ప్రాజెక్టును వినియోగించుకుని ఉంటే రాష్ట్రంలో కరువు పరిస్థితులు వచ్చేవి కావని అన్నారు.
KTR | ఇది ప్రకృతి వల్ల వచ్చిన కరువు కాదని.. కాంగ్రెస్ తెచ్చిన కరువు అని బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. కాళేశ్వరం ప్రాజెక్టును వినియోగించుకుని ఉంటే రాష్ట్రంలో కరువు పరిస్థితులు వచ్చేవి కావని అన్నారు. ముఖ్యమంత్రి రేవంత్రెడ్డి మొండివైఖరి వల్లే రైతులు ఇబ్బందులు పడుతున్నారని ఆరోపించారు. ఆదివారం ఆదిలాబాద్లోని డైట్ మైదానంలో నిర్వహించిన రైతు గర్జన కార్యక్రమంలో మాట్లాడిన ఆయన.. రైతుల సమస్యలు, కాళేశ్వరం ప్రాజెక్టు, రుణమాఫీ, రైతు బీమా అంశాలపై కాంగ్రెస్ ప్రభుత్వాన్ని తీవ్రంగా విమర్శించారు.
కేసీఆర్ హయాంలో తెలంగాణ దేశానికే అన్నపూర్ణగా మారిందని కేటీఆర్ పేర్కొన్నారు. రాష్ట్రంలో పంటలు సమృద్ధిగా పండించి ఇతర ప్రాంతాలకు ధాన్యం సరఫరా చేశామని గుర్తుచేశారు. ఈ ఏడాది గోదావరి, పెన్గంగ, ప్రాణహిత నదుల ద్వారా భారీగా నీరు వచ్చిందని, గోదావరిలో సుమారు 750 టీఎంసీల నీరు ప్రవహించిందని చెప్పారు. ఆ నీటిని వినియోగించుకోకుండా సముద్రంలోకి వదిలేశారని విమర్శించారు.
కాళేశ్వరం ప్రాజెక్టులోని కన్నెపల్లి పంప్హౌస్ వద్ద నీటిని ఎత్తిపోసి ఉంటే ఎస్సారెస్పీతో పాటు చెరువులను నింపుకోవచ్చని కేటీఆర్ అన్నారు. ఈ విషయాన్ని గత జూన్ 19న కేసీఆర్ ఆదేశాల మేరకు బీఆర్ఎస్ నాయకులు అక్కడికి వెళ్లి ప్రభుత్వానికి వివరించారని తెలిపారు. లక్ష క్యూసెక్కుల నీరు సముద్రంలోకి పోతోందని, పంపులు నడిపి నీటిని వినియోగించుకోవాలని కోరినా ప్రభుత్వం పట్టించుకోలేదని ఆరోపించారు. కాళేశ్వరం ప్రాజెక్టు కరువుకు కల్పతరువుగా ఉపయోగపడుతుందని, రాజకీయ విభేదాలను పక్కనపెట్టి రైతుల ప్రయోజనాల కోసం దాన్ని వినియోగించాలని సూచించినట్లు చెప్పారు.
శ్రీశైలం, కన్నెపల్లి పంప్హౌస్ల వద్ద పంపులు ఆన్ చేయకపోవడం వల్ల వానాకాలం పంటలకు నష్టం జరిగిందని కేటీఆర్ ఆరోపించారు. సుమారు 35 లక్షల ఎకరాల్లో పంట నష్టం జరిగిందని పేర్కొన్నారు. రైతులు అప్పుల బాధతో ఆత్మహత్యలకు పాల్పడుతున్నారని ఆవేదన వ్యక్తం చేశారు.
తలమడుగు మండలంలో ఇటీవల ఆత్మహత్య చేసుకున్న నలుగురు రైతుల కుటుంబాలను పరామర్శించినట్లు కేటీఆర్ తెలిపారు. లక్ష్మణ్, ప్రతాప్రెడ్డి, రాజేశ్వర్రెడ్డి, నాగరాజు కుటుంబాలను కలిసినట్లు చెప్పారు. సిరికొండ మండలంలో పాండురంగ అనే రైతు ఆత్మహత్య చేసుకున్న సందర్భంలోనూ, మంచిర్యాలలో రైతు మరణించినప్పుడు కూడా బాధిత కుటుంబాలను పరామర్శించామని గుర్తుచేశారు.
కేసీఆర్ హయాంలో రైతు ఏ కారణంతో మరణించినా రూ.5 లక్షల రైతు బీమా సాయం 15 రోజుల్లోపు కుటుంబానికి అందేదని కేటీఆర్ చెప్పారు. ప్రస్తుతం రైతు బీమా ప్రీమియం కూడా చెల్లించకపోవడంతో పథకం అమలుపై ప్రభావం పడుతోందని ఆరోపించారు. రైతు కుటుంబాలకు భరోసా కల్పించడంలో కాంగ్రెస్ ప్రభుత్వం విఫలమైందని విమర్శించారు.
రుణమాఫీ విషయంలో కాంగ్రెస్ ప్రభుత్వం ఇచ్చిన హామీని పూర్తిస్థాయిలో అమలు చేయలేదని కేటీఆర్ ఆరోపించారు. తొలుత రూ.50 వేల కోట్లతో రుణమాఫీ చేయాల్సి ఉంటుందని చెప్పారని, ఆ తర్వాత ఆ మొత్తాన్ని రూ.41 వేల కోట్లకు తగ్గించారని అన్నారు. అనంతరం క్యాబినెట్ స్థాయిలో రూ.31 వేల కోట్లు, బడ్జెట్లో రూ.26 వేల కోట్లుగా పేర్కొన్నారని విమర్శించారు. మార్చి 2026 బడ్జెట్లో రూ.20 వేల కోట్లు చెల్లించినట్లు ప్రభుత్వం చెబుతోందని, మిగిలిన మొత్తంపై స్పష్టత లేదని అన్నారు.
రుణమాఫీపై ప్రభుత్వం ఇచ్చిన హామీకి, ప్రకటించిన మొత్తాలకు మధ్య వ్యత్యాసం ఉందని కేటీఆర్ పేర్కొన్నారు. రైతుల సమస్యలను పరిష్కరించడంలో ప్రభుత్వం విఫలమైందని విమర్శిస్తూ.. తెలంగాణలో ఏర్పడినది ప్రకృతి కారణంగా వచ్చిన కరువు కాదని, కాంగ్రెస్ ప్రభుత్వం తెచ్చిన కరువని వ్యాఖ్యానించారు.
Read Today's Latest Telangana News in Telugu and Telugu News
- Tags
- adilabad
- Congress
- KTR
- Revanth Reddy
RELATED ARTICLES
తాజా వార్తలు
Sajjanar | పోస్టింగ్ ఎక్కడ ఇచ్చినా తగ్గేది లేదు.. సజ్జనార్ కీలక వ్యాఖ్యలు!
మాల వేసుకుని చెప్తున్న.. కాంగ్రెస్ మళ్లా రాదు!.. సీఎం కరప్షన్తో తీవ్రనష్టం.. రేవంత్పై ఎమ్మెల్యే రాజగోపాల్ ఫైర్
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

