Diwali Parole | దీపావళి సందర్భంగా.. 143 మంది ఖైదీలకు పెరోల్‌

Diwali Parole | దీపావళి పండుగ సందర్భంగా అర్హులైన 143 మంది ఖైదీలకు గుజరాత్‌ ప్రభుత్వం పెరోల్‌ మంజూరు చేసింది. ధంతేరస్ అయిన నవంబర్‌ 6న వారిని విడుదల చేయనున్నది. దీంతో ఆ ఖైదీలు తమ కుటుంబాలతో కలిసి 15 రోజులు ఉండనున్నారు. తమ వారితో కలిసి దీపావళి జరుపుకుంటారు.

గాంధీనగర్‌‌: దీపావళి పండుగ సందర్భంగా అర్హులైన 143 మంది ఖైదీలకు గుజరాత్‌ ప్రభుత్వం పెరోల్‌ మంజూరు చేసింది. ధంతేరస్ అయిన నవంబర్‌ 6న వారిని విడుదల చేయనున్నది. దీంతో ఆ ఖైదీలు తమ కుటుంబాలతో కలిసి 15 రోజులు ఉండనున్నారు. తమ వారితో కలిసి దీపావళి జరుపుకుంటారు. (Diwali Parole) ఖైదీల సంక్షేమం, జైలు సంస్కరణల కార్యక్రమంలో భాగంగా అర్హులైన ఖైదీలు వారి కుటుంబాలతో కలిసి దీపావళి జరుపుకునే అవకాశాన్ని కల్పించాలని గుజరాత్ ప్రభుత్వం నిర్ణయించింది. ఉప ముఖ్యమంత్రి హర్ష్ సంఘవి మార్గదర్శకత్వంలో రాష్ట్రవ్యాప్తంగా ఉన్న జైళ్లలో శిక్ష అనుభవిస్తున్న 143 మంది అర్హులైన ఖైదీలకు 15 రోజుల దీపావళి పెరోల్‌ను మంజూరు చేశారు. వీరిలో 60 ఏళ్లు పైబడిన 103 మంది పురుషులు, 40 మంది మహిళలు ఉన్నారు. నవంబర్ 6న ధంతేరస్ రోజున వారు విడుదల కానున్నారు. 15 రోజులపాటు తమ కుటుంబాలతో కలిసి ఉండటంతో పాటు దీపావళిని జరుపుకుంటారు. ఆ తర్వాత జైళ్లకు తిరిగి చేరుకుని తమ శిక్షను కొనసాగిస్తారు.

కాగా, గుజరాత్‌ ప్రభుత్వం 2003 నుంచి ప్రతి సంవత్సరం అర్హులైన ఖైదీలకు దీపావళి సందర్భంగా 15 రోజుల పెరోల్‌ను మంజూరు చేస్తున్నది. అర్హులైన మహిళా ఖైదీలు, 60 ఏళ్లు పైబడిన అర్హులైన పురుషులకు ఇది లభిస్తుంది. దీని కోసం సంబంధిత నియమ నిబంధనలతో పాటు కొన్ని మార్గదర్శకాలను ఆ రాష్ట్ర ప్రభుత్వం జారీ చేసింది.