Gautam Prasad Yallapu | గౌతమ్ ప్రసాద్ యల్లపు దర్శకత్వంలో ‘ప్రొడక్షన్ నంబర్ 1’ చిత్రం.. పూజా కార్యక్రమాలతో ఘనంగా ప్రారంభం!

ProductionNo1 | సకల సమృద్ధి ఆర్ట్స్ పతాకంపై రూపొందుతున్న కొత్త చిత్రం 'ప్రొడక్షన్ నంబర్ 1' ఈరోజు లాంఛనంగా పూజా కార్యక్రమాలతో ఘనంగా ప్రారంభమైంది. ఈ చిత్రంలో హీరోగా రాజీవ్ వర్మ, హీరోయిన్‌గా మలైకా టి. వాసుపాల్ నటిస్తున్నారు.

సకల సమృద్ధి ఆర్ట్స్ పతాకంపై రూపొందుతున్న కొత్త చిత్రం ‘ప్రొడక్షన్ నంబర్ 1’ ఈరోజు లాంఛనంగా పూజా కార్యక్రమాలతో ఘనంగా ప్రారంభమైంది. ఈ చిత్రంలో హీరోగా రాజీవ్ వర్మ, హీరోయిన్‌గా మలైకా టి. వాసుపాల్ నటిస్తున్నారు. ఈ జంటపై ప్రముఖ గేయ రచయిత చంద్రబోస్ క్లాప్ కొట్టగా, నిర్మాత కనుమూరి ప్రసాద్ రాజు కెమెరా స్విచ్ ఆన్ చేశారు. అలాగే, చిత్ర దర్శకుడు గౌతమ్ ప్రసాద్ యల్లపు తొలి షాట్‌కు దర్శకత్వం వహించారు.

దర్శకుడు గౌతమ్ ప్రసాద్ యల్లపు ఈ సినిమాతో దర్శకుడిగా పరిచయం అవుతుండటం విశేషం. అంతేకాకుండా ఈ చిత్రానికి ఆయన కథ, స్క్రీన్‌ప్లేను కూడా అందిస్తున్నారు. ఈ ఫ్యామిలీ బ్యాక్‌డ్రాప్ ప్రేమకథా చిత్రంలో అజయ్ ఘోష్, రాజ్‌కుమార్ కసిరెడ్డి, కుమనన్ అలియాస్ రమణ, జెమిని సురేష్, రమణ భార్గవ్, శివాజీ రాజా, ఆయూషి తదితరులు కీలక పాత్రల్లో నటిస్తున్నారు. కనుమూరి ప్రసాద్ రాజు ఈ చిత్రాన్ని నిర్మిస్తుండగా, అనూప్ రూబెన్స్ సంగీతం అందిస్తున్నారు. ఆర్‌కే సేనాపతి సినిమాటోగ్రాఫర్‌గా వ్యవహరిస్తున్నారు.

కుటుంబ సమేతంగా థియేటర్లకు వచ్చి హాయిగా ఎంజాయ్ చేసేలా ఈ సినిమాను దర్శకుడు తెరకెక్కిస్తున్నారు. ఈ చిత్రానికి సంబంధించిన తొలి షెడ్యూల్ షూటింగ్ ఈ నెల 12వ తేదీ నుంచి హైదరాబాద్‌లో ప్రారంభం కానుంది. మొత్తం నాలుగు షెడ్యూల్స్‌లో ఈ చిత్రాన్ని పూర్తి చేయాలని మేకర్స్ ప్లాన్ చేస్తుండగా, మిగిలిన షెడ్యూల్స్ కోనసీమ పరిసర ప్రాంతాల్లో జరుగనున్నాయి. ఈ చిత్రానికి నిర్మాతగా కనుమూరి ప్రసాద్ రాజు వ్యవహరిస్తుండగా, ఆర్ట్ డైరెక్టర్‌గా విఠల్ కోసనం, ఎడిటర్‌గా జే.పి, కో-డైరెక్టర్‌గా శ్రీనివాస్ రాయి, ఎగ్జిక్యూటివ్ ప్రొడ్యూసర్‌గా యర్రంశెట్టి దుర్గాప్రసాద్, కాస్ట్యూమ్స్‌గా చంద్రబోస్, పీఆర్ఓగా దుద్ది శ్రీను పనిచేస్తున్నారు.