ఆయుష్షు పెంచే ఆల్మండ్‌

పోషకాహారంలో డ్రై ఫ్రూట్స్‌ భాగమని అందరికీ తెలుసు. ఇవి మనిషికి ఆరోగ్య సమస్యలు రాకుండా చేసి జీవితకాలాన్ని పెంచుతాయి. ఇదే విషయాన్ని ఇటీవల న్యూజెర్సీలోని హ్యాకెన్‌సాక్‌ యూనివర్సిటీ మెడికల్‌ సెంటర్‌ పరిశోధకులు తేల్చారు.

పోషకాహారంలో డ్రై ఫ్రూట్స్‌ భాగమని అందరికీ తెలుసు. ఇవి మనిషికి ఆరోగ్య సమస్యలు రాకుండా చేసి జీవితకాలాన్ని పెంచుతాయి. ఇదే విషయాన్ని ఇటీవల న్యూజెర్సీలోని హ్యాకెన్‌సాక్‌ యూనివర్సిటీ మెడికల్‌ సెంటర్‌ పరిశోధకులు తేల్చారు. ఈ పరిశోధనలో అధిక కొవ్వు, ఊబకాయం ఉన్నవాళ్లను కూడా చేర్చి అధ్యయనం చేశారు. రోజూ 60 గ్రాములు లేదా 22 బాదం గింజలు తినడం వల్ల, ఆక్సీకరణ ఒత్తిడి తగ్గుతుందని పరిశోధకులు తేల్చారు.

అలాగే బాదంలోని విటమిన్‌-ఇ, పాలీఫెనాల్స్‌ లాంటివి సెల్యులర్‌ డ్యామేజ్‌ని తగ్గిస్తాయని విశ్లేషించారు. బాదం తినడం వల్ల గుండె జబ్బులు, మూత్రపిండాల సమస్యలు, మధుమేహం, రుమటాయిడ్‌ ఆర్థరైటిస్‌, అల్జీమర్స్‌, క్యాన్సర్‌, న్యూరో డీజెనరేటివ్‌ డిజార్డర్‌ లాంటివి దరిచేరవని ఈ పరిశోధన తేల్చింది. తద్వారా మనిషి ఎక్కువకాలం ఆనందకరమైన జీవితం గడపొచ్చని పేర్కొన్నారు.

ఇలా తినొచ్చు..

• బాదం గింజలను పెనంపై వేయించి సలాడ్స్‌, సూప్స్‌లో కలుపుకొని తీసుకోవచ్చు. ఆఫీసులకు తీసుకెళ్లి, అప్పుడప్పుడు తినొచ్చు.
• బాదం గింజలను నానబెట్టి ముద్ద చేసుకుని, పెరుగులో కలుపుకొని తిన్నా మంచిదే.
• బాదం గింజల పొడిని బెల్లం పాకంలో వేసి ఉండలు చేసుకుంటే రుచికి రుచి, ఆరోగ్యానికి ఆరోగ్యం.
• ఎలాగూ డైటీషియన్లు, న్యూట్రిషనిస్ట్‌లు బాదం గింజలు తినమన్నారని ఆల్మండ్‌ చాక్లెట్స్‌, కుకీస్‌లను మాత్రం డైట్‌లో చేర్చుకోవద్దు.