Train accident | రైలు కిందపడి వ్యక్తి మృతి

అంబర్‌పేట : రైలు ఢీకొని ఓ వ్యక్తి మృతి చెందిన సంఘటన కాచిగూడ రైల్వేపోలీస్‌స్టేష‌న్‌ పరిధిలో జరిగింది. పోలీసులు తెలిపిన వివరాల ప్రకారం..దీపావళి రోజు సీతాఫల్‌మండి రైల్వేస్టేషన్‌ నాలుగో ప్లాట్‌ఫారం పై ఓ వ్యక్తి మృతదేహం పడి ఉందనే సమాచారం పోలీసులకు అందింది.

వారు సంఘటన స్థలానికి వెళ్లి పరిశీలించగా, మెట్టుగూడ రైల్వే క్వార్టర్స్​‍లో నివాసముండే బి.సూర్యనారాయణరెడ్డిగా గుర్తించారు. అతను స్థానిక రైల్వే కార్యాలయంలో ఆఫీస్ సూపరింటెండెంట్‌గా పని చేస్తున్నారని చెప్పారు. అయితే పట్టాలు దాటుతుండగా లేదా ఆత్మహత్య చేసుకొని ఉండొచ్చని పోలీసులు భావిస్తున్నారు. అతని వద్ద ఎలాంటి సుసైడ్‌ నోట్‌ దొరకలేదన్నారు.