కొండాపూర్: గచ్చిబౌలిలోని హైదరాబాద్ సెంట్రల్ యూనివర్సిటీ సెంటర్ ఫర్ ఉమెన్స్ స్టడీస్ అసోసియేట్ ప్రొఫెసర్ డాక్టర్ శీల సూర్యనారాయణన్ మహిళల సాధికారత కోసం రూపొందించిన ‘ ట్రాన్స్ఫార్మింగ్ ఎడ్యుకేషనల్ ల్యాండ్స్కేప్ టూవర్డ్స్ ఉమెన్స్ ఎంపవర్మెంట్’ ప్రాజెక్ట్ ప్రతిష్టాత్మక జర్మన్ ఫండింగ్కు ఎంపికైనట్లు వర్సిటీ యాజమాన్యం సోమవారం ఓ ప్రకటనలో తెలిపింది. ఈ ప్రాజెక్ట్ ద్వారా అండర్గ్రాడ్యుయేట్ విద్యార్థినీలకు లింగ వివక్షతపై అవగాహన కల్పించడంతో పాటు లైఫ్ -కోర్సు నిర్ణయాలను తీసుకునే అంశాల అధ్యయనం ఉంటుందన్నారు.
ముఖ్యంగా నగరంలోని హైదరాబాద్ సెంట్రల్ యూనివర్సిటీ, మౌలానా ఆజాద్ నేషనల్ ఉర్ధూ యూనివర్సిటీ, ఉస్మా నియా యూనివర్సిటీల విద్యార్థినీలు, వారి ఉపాధ్యాయులకు అవకాశాలున్నట్లు తెలిపారు. మహిళల సాధికారతకు ఈ ప్రాజెక్ట్ ఎంతగానో ఉపయోగపడుతుందని, ది నేషనల్ ఎడ్యుకేషన్ పాలసీ (ఎన్ఈపీ) సైతం ఈ ప్రాజెక్ట్ ను గుర్తించినట్లు తెలిపారు.