Visit:
తిరుమల : తిరుమల (Tirumala ) లో భక్తుల రద్దీ కొనసాగుతుంది. వడ్డీకాసులవాడు వేంకటేశ్వరస్వామిని దర్శించుకునేందుకు వచ్చిన భక్తులతో 31 కంపార్టుమెంట్లు (Compartments) నిండిపోయాయి. టోకెన్లు లేని భక్తులకు 18 గంటల్లో సర్వదర్శనం కలుగుతుందని టీటీడీ అధికారులు వివరించారు.
నిన్న స్వామివారిని 73,353 మంది భక్తులు దర్శించుకోగా 28,444 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీ ఆదాయం (Hundi Income) రూ. 3.05 కోట్లు వచ్చిందని తెలిపారు.
జూలై 18 నుంచి 20వ తేదీ వరకు కపిలేశ్వరాలయంలో పవిత్రోత్సవాలు
తిరుపతి కపిలేశ్వరస్వామివారి ఆలయంలో జూలై 18 నుంచి 20వ తేదీ వరకు మూడు రోజుల పాటు పవిత్రోత్సవాలు జ‌రుగ‌నున్నాయి. ఇందుకోసం జూలై 17న సాయంత్రం 6 గంటలకు అంకురార్పణ నిర్వహిస్తామని అర్చకులు తెలిపారు.
ఏడాది పొడవునా ఆలయంలో జరిగే అర్చనలు, ఉత్సవాల్లో తెలియక కొన్ని దోషాలు జరుగుతుంటాయి. వీటివల్ల ఆలయ పవిత్రతకు ఎలాంటి లోపం రానీయకుండా శైవాగమశాస్త్రం ప్రకారం పవిత్రోత్సవాలు నిర్వహిస్తామన్నారు. ఇందులో భాగంగా జూలై 18న మొద‌టిరోజు ఉదయం ఉత్సవ‌మూర్తుల‌కు స్నప‌న‌తిరుమంజ‌నం, సాయంత్రం క‌ల‌శ‌పూజ, హోమం(Homam) , ప‌విత్ర ప్రతిష్ఠ , 19న గ్రంథి ప‌విత్ర స‌మ‌ర్పణ, సాయంత్రం యాగ‌శాల‌పూజ, హోమం చేపడతామని వెల్లడించారు.
20న ఉదయం మ‌హాపూర్ణాహుతి, క‌ల‌శోధ్వాస‌న, ప‌విత్ర స‌మ‌ర్పణ, సాయంత్రం కపిలేశ్వరస్వామి, కామాక్షి అమ్మవారు, విఘ్నేశ్వరస్వామి, సుబ్రమణ్యస్వామి, చండికేశ్వరస్వామివార్లు పుర వీధుల్లో విహరించి భక్తులకు దర్శనం ఇవ్వనున్నారని వివరించారు.
Read more :
Srisailam | శ్రీశైలంలో అనాధలకు దైవదర్శనం చేయించిన సీఐ
