ఉపాధి కోసం వెళ్తూ..మృత్యు ఒడిలోకి

క్రైం న్యూస్‌ | ఉన్న ఊరును వదిలి బతుకు దెరువుకు కోసం పట్నం వెళ్లి బతుకు బండిని లాగిద్దామనుకున్నా ఆ భార్యర్తల ఆశల అడియాసలయ్యాయి.

June 6, 2021 / 05:05 PM IST

నాగర్ కర్నూల్ : ఉన్న ఊరును వదిలి బతుకు దెరువుకు కోసం పట్నం వెళ్లి బతుకు బండిని లాగిద్దామనుకున్నా ఆ భార్యర్తల ఆశల అడియాసలయ్యాయి. కారు రూపంలో ఆ జంటను మృత్యువు వెంటాడింది. వారు ప్రయాణిస్తున్న బైక్‌ను కారు ఢీ కొట్టడంతో అక్కడికక్కడే మృతి చెందారు. ఈ విషాద సంఘటన గణపూర్‌ రోడ్ సిద్దాపూర్ చౌరస్తా సమీపంలో చోటు చేసుకుంది. వివరాల్లోకి వెళ్తే.. అమ్రాబాద్ మండలం మన్ననూర్ గ్రామానికి చెందిన సూర్యశేఖర్ అతని భార్య లలిత ఇద్దరు బతుకుదెరువు కోసం బైక్ పై హైదరాబాద్ వెళ్తుండగా.. మార్గ మధ్యమంలో బైక్‌ను కారు ఢీకొనడంతో అక్కడికక్కడే మృతి చెందారు. వీరి మరణంతో బంధువుల రోదనలు మిన్నంటాయి. పూర్తి వివరాలు తెలియాల్సి ఉంది.