ఈ ఇద్దరు కొత్త హీరోయిన్ల సుడి పీక్స్

కృతి శెట్టి | ఉప్పెన సినిమాతో టాలీవుడ్ మోస్ట్ వాంటెడ్ హీరోయిన్ అయిపోయింది కృతి శెట్టి. ఆ సినిమా విజయం చూసిన తర్వాత స్టార్ హీరోలు కూడా క్యూ కడుతున్నారు.

March 23, 2021 / 10:06 PM IST

ఇండస్ట్రీలో స్టార్ హీరోలతో నటించే అవకాశం రావడం కోసం కొందరు హీరోయిన్లు రాత్రి పగలు జపం చేస్తుంటారు. అయినా కూడా వాళ్లకు సుడి కలిసిరాదు. కానీ మరికొందరు హీరోయిన్ల జాతకం మాత్రం నెక్ట్స్ రేంజ్‌లో ఉంటుంది. వాళ్లకు కెరీర్ మొదట్లోనే అదిరిపోయే అవకాశాలు వస్తుంటాయి. ఇంకా చెప్పాలంటే ఒక్కోసారి ఒక్క సినిమా కూడా విడుదల కాకుండానే మంచి ఆఫర్స్ అందుకుంటుంటారు. అలాంటి ముద్దుగుమ్మలను చూసి మిగిలిన హీరోయిన్లకు కుళ్లు వచ్చేస్తుంది. ఇప్పుడు టాలీవుడ్‌లో ఇద్దరు భామలను చూస్తుంటే మిగిలిన హీరోయిన్లకు అలాంటి కుళ్లే వచ్చేస్తుంది. వాళ్లెవరో తెలుసా.. కృతి శెట్టి, మీనాక్షి చౌదరి.

ఇందులో మొదటి హీరోయిన్ కృతి శెట్టి గురించి చెప్పనక్కర్లేదు. ఉప్పెన సినిమాతో టాలీవుడ్ మోస్ట్ వాంటెడ్ హీరోయిన్ అయిపోయింది కృతి శెట్టి. ఈ సినిమా విడుదలకు ముందే శ్యామ్ సింగ రాయ్, ఇంద్రగంటి సుధీర్ బాబు సినిమాలలో హీరోయిన్‌గా కమిట్ అయిపోయింది. ఉప్పెన విడుదల తర్వాత.. ఆ సినిమా సాధించిన విజయం చూసిన తర్వాత కృతి శెట్టి కోసం స్టార్ హీరోలు కూడా క్యూ కడుతున్నారు.

మీనాక్షి కూడా ఇలాంటి అరుదైన అవకాశాలు అందుకుంటుంది. ఈమె కృతి మాదిరి ఉప్పెన లాంటి క్రేజీ సినిమాతో రాలేదు. సుశాంత్ హీరోగా ఇచ్చట వాహనములు నిలపరాదు సినిమాతో పరిచయం కానుంది. ఈ సినిమాపై పెద్దగా అంచనాలు కూడా లేవు. ఆసక్తి అంతకంటే లేదు. కానీ మీనాక్షి చౌదరి మాత్రం తెలుగు ఇండస్ట్రీలో హాట్ టాపిక్ అయిపోయింది. ముఖ్యంగా ఈ సినిమా విడుదలకు ముందే రవితేజ ఖిలాడీతో పాటు ఇప్పుడు హిట్ 2 సినిమాలో కూడా నటిస్తుంది మీనాక్షి. ఈ రెండు సినిమాలతో కచ్చితంగా ఈ భామ టాక్ ఆఫ్ ది ఇండస్ట్రీగా మారిపోవడం ఖాయంగా కనిపిస్తుంది.
ఏదేమైనా ఈ ఇద్దరు ముద్దుగుమ్మల అదృష్టం మాత్రం టన్నుల్లో ఉందనడటంలో ఎలాంటి సందేహం లేదు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి