అదేంటి.. సుకుమార్ ని పట్టుకొని అంత మాట అనేశారు.. అంత పక్షపాతం ఆయన ఎవరికి చూపించాడు.. ఎవరి మీద చూపించాడు అనుకుంటున్నారా..? ఇప్పుడు మేం చెప్పేది వింటే ఈ స్టేట్మెంట్ నిజమే అని మీరు కూడా ఒప్పుకుంటారు. ఈయన ప్రస్తుతం అల్లు అర్జున్ హీరోగా పుష్ప సినిమాతో బిజీగా ఉన్నాడు. ఈ చిత్ర షూటింగ్ దాదాపు సగానికి పైగా పూర్తి అయిపోయింది. కోవిడ్ కారణంగా హైదరాబాద్ పరిసర ప్రాంతాల్లోనే ఈ సినిమా షూటింగ్ పూర్తి చేయాలని భావిస్తున్నాడు సుకుమార్. ఇదిలా ఉంటే ఏప్రిల్ 8న అల్లు అర్జున్ పుట్టిన రోజు సందర్భంగా పుష్ప సినిమాకు సంబంధించిన టీజర్ విడుదల చేయబోతున్నారు. ఆ రోజే అల్లు అర్జున్ పాత్రను ప్రేక్షకులకు పరిచయం చేస్తున్నాడు ఈ దర్శకుడు. ఇప్పటికే విడుదలైన ప్రీ టీజర్ దుమ్ము దులిపేసింది. రంగస్థలం తరహాలోనే ఈ సినిమా కూడా పూర్తిగా రివెంజ్ ఫార్మెట్లోనే తెరకెక్కిస్తున్నాడు సుకుమార్. ఇక్కడి వరకు అంతా బాగానే ఉంది కానీ.. రష్మిక మందన విషయంలో మాత్రం సుకుమార్ వ్యవహరిస్తున్న తీరు ఆమె అభిమానులకు కోపం తెప్పిస్తుంది.
సుకుమార్ అంతగా ఏం చేశాడు అనుకోవచ్చు.. వాళ్ల కోపానికి కారణం కూడా ఉంది. ఏప్రిల్ 8న అల్లు అర్జున్ పుట్టిన రోజు సందర్భంగా టీజర్ విడుదల చేస్తున్న సుకుమార్ దానికి మూడు రోజుల ముందు పుట్టినరోజు జరుపుకున్న రష్మిక మందనను పూర్తిగా మరిచిపోయారు. ఆ రోజు పుష్ప సినిమా నుంచి రష్మిక మందన లుక్ వస్తుందని అభిమానులు ఎంతగానో వేచి చూశారు.
అదేరోజు కిషోర్ తిరుమల తెరకెక్కిస్తున్న ఆడవాళ్లు మీకు జోహార్లు సినిమా నుంచి రష్మిక లుక్ విడుదల చేశారు. కానీ సుకుమార్ మాత్రం అభిమానుల ఆశలపై నీళ్లు చల్లాడు. ఇప్పటివరకు ఒక్కటంటే ఒక్క ఫోటో కూడా విడుదల చేయలేదు. కానీ అల్లు అర్జున్ విషయంలో మాత్రం అప్ టు డేట్ అప్డేట్స్ అన్ని విడుదల చేస్తున్నాడు. ఇప్పటికైనా మీ సినిమాలో రష్మిక ఉందనే విషయాన్ని గుర్తు పెట్టుకొంది సుకుమార్ గారు.. మీకు మరీ ఇంత పక్షపాతం పనికిరాదు అంటూ సోషల్ మీడియాలో ఆమె అభిమానులు పోస్టులు పెడుతున్నారు. మరి దీనిపై పుష్ప యూనిట్ ఎలా స్పందిస్తుందో చూడాలి.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి