బాలీవుడ్ హీరోయిన్ దియా మీర్జా ఈ మధ్యే తాను ప్రెగ్నెంట్ అని తన బేబీ బంప్ చూపిస్తూ ఇన్స్టాగ్రామ్ ద్వారా ప్రకటించిన విషయం తెలుసు కదా. అయితే ప్రెగ్నెంట్ అని తెలిసే నువ్వు వైభవ్ను పెళ్లి చేసుకున్నావా అంటూ ఓ అభిమాని ప్రశ్నించింది. పెళ్లికి ముందే నువ్వు ప్రెగ్నెంట్ అని చెప్పి ఉంటే తప్పేముంది? పెళ్లికి ముందు గర్భం దాల్చడం తప్పా అని కూడా ఆ అభిమాని అడిగింది. దీనికి దియా మీర్జా సుదీర్ఘంగా సమాధానం ఇచ్చింది.
నీ ప్రశ్న చాలా ఆసక్తికరంగా ఉంది. కానీ నేను తల్లి కాబోతున్నానని తెలిసి పెళ్లి చేసుకోలేదు. ఇద్దరం కలిసి ఉందామనుకొని పెళ్లి చేసుకోవాలని ఎప్పుడో నిర్ణయించుకున్నాం. అప్పుడే నేను తల్లి కాబోతున్నానని తెలిసింది. ప్రెగ్నెన్సీ వల్ల ఈ పెళ్లి చేసుకున్నానని అనడం సరికాదు. ప్రెగ్నెన్సీ పూర్తిగా సురక్షితం అని తెలిసే వరకూ మేము ప్రకటించలేదు. నా జీవితంలో ఇది చాలా సంతోషకరమైన విషయం. నేను ఈ క్షణం కోసం ఎన్నో ఏళ్లు వేచి చూశాను అని దియా మీర్జా సమాధానమిచ్చింది.
ఈ ప్రశ్నకు తాను ఎందుకు సమాధానమిస్తున్నానో కూడా ఆమె వివరణ ఇవ్వడం విశేషం. ఈ అందమైన ప్రయాణంలో సిగ్గు పడాల్సిన విషయం ఏమీ ఉండకూడదు. సింగిల్గా ఉండాలన్నా, తల్లిగా ఉండాలన్నా, పెళ్లి చేసుకోవాలనుకున్నా అది మన ఇష్టమే అని చెప్పేందుకే ఈ సమాధానమిచ్చినట్లు దియా చెప్పింది. ఫిబ్రవరి 15న వైభవ్ను పెళ్లి చేసుకున్న దియా.. ఏప్రిల్ 1న తాను తల్లి కాబోతున్న విషయాన్ని ప్రకటించింది.
ఇవి కూడా చదవండి
వాంఖడే స్టేడియంలో మరో ముగ్గురికి కరోనా
మనుషుల నుంచి పిల్లులు, కుక్కలకు కరోనా: డబ్ల్యూహెచ్వో
ఇండియాపై నిషేధం.. పాకిస్థాన్లో వందకు చేరిన కిలో చక్కెర
కొవిషీల్డ్ రెండో డోసు రెండున్నర నెలల తర్వాత ఇస్తే 90 శాతం సమర్థవంతం
యోగి ఆదిత్యనాథ్, అమిత్ షాలను చంపేస్తాం.. సీఆర్పీఎఫ్కు మెయిల్
దేశంలో కొత్తగా 96,982 కొవిడ్ కేసులు
తెలంగాణలో కొత్తగా 1,498 కరోనా కేసులు