Amitabh Bachchan | రామచంద్రకీ జై.. బాలరాముడి దర్శన ఫొటోలను షేర్‌ చేసిన బిగ్‌బీ

Amitabh Bachchan | బాలీవుడ్‌ మెగాస్టార్‌ అమితాబ్‌ బచ్చన్‌ (Amitabh Bachchan) రాముడి దర్శనానికి సంబంధించిన ఫొటోలను తాజాగా సోషల్‌ మీడియాలో షేర్‌ చేశారు.

January 23, 2024 / 10:48 AM IST

Amitabh Bachchan | రామచంద్రకీ జై.. బాలరాముడి దర్శన ఫొటోలను షేర్‌ చేసిన బిగ్‌బీ

Amitabh Bachchan | కోట్లాది మంది భారతీయుల కల సాకారమైంది. వందల ఏళ్ల నిరీక్షణకు తెరదించుతూ.. శ్రీ రామ జన్మభూమి అయోధ్యలో రామ మందిరం వెలసింది. భవ్యమైన రామ మందిరం (Ram Mandir)లో దివ్యమైన అవతారంలో బాలరాముడు ఎట్టకేలకు కొలువుదీరాడు. సోమవారం మధ్యాహ్నం 12:29 గంటల నుంచి ఒంటి గంట మధ్యలో ప్రాణ ప్రతిష్ట వేడుకలు ప్రధాని మోదీ చేతులమీదుగా అంగరంగ వైభవంగా జరిగాయి.

ఈ వేడుకలకు సినీ, రాజకీయ సహా పలు రంగాలకు చెందిన పారిశ్రామిక వేత్తలు హాజరై శ్రీరాముడిని దర్శించుకుని భక్తిపారవశ్యంలో పులకించిపోయారు. బాలీవుడ్‌ మెగాస్టార్‌ అమితాబ్‌ బచ్చన్‌ (Amitabh Bachchan) రాముడి దర్శనానికి సంబంధించిన ఫొటోలను తాజాగా సోషల్‌ మీడియాలో షేర్‌ చేశారు. ‘రామచంద్రకీ జై’ (Ramchandra Ki Jai) అంటూ దివ్యమైన రూపంలో గర్భగుడిలో కొలువుదీరిన బాలరాముడిని దర్శించుకుంటున్న ఫొటో, ఆలయం చిత్రాలను అభిమానులతో పంచుకున్నారు. ప్రస్తుతం ఈ ఫొటోలు వైరల్‌ అవుతున్నాయి.