Ram Charan | మెగా పవర్ స్టార్ రామ్ చరణ్ (Ram Charan), ఉపాసన (Upasana) దంపతులకు ఇటీవలే ఓ పాప పుట్టిన విషయం తెలిసిందే. మెగా ప్రిన్సెస్ (mega princess)కు ‘క్లింకారా’ (Klin Kaara) అని పేరు కూడా పెట్టారు. పాప పుట్టి నేటికి ఆరునెలలు పూర్తైంది. ఈ నేపథ్యంలో చరణ్ దంపతులు తమ కుమార్తెతో కలిసి ముంబై (Mumbai)లోని మహాలక్ష్మి అమ్మవారిని (Mahalaxmi temple) దర్శించుకున్నారు.
ఇటీవలే రామ్ చరణ్ దంపతులు కూతురిని తీసుకుని ముంబైకి వెళ్లిన విషయం తెలిసిందే. గత నాలుగు రోజులుగా చరణ్ తన ఫ్యామిలీతో ముంబైలోనే ఉంటున్నారు. ఈ నేపథ్యంలో క్లింకార పుట్టి నేటికి ఆరు నెలలు పూర్తైన సందర్భంగా.. చరణ్ దంపతులు తన కూతురితో కలిసి ముంబైలోని మహాలక్ష్మి అమ్మవారిని దర్శించుకున్నారు. అక్కడ అమ్మవారికి ప్రత్యేక పూజలు చేసి ఆశీర్వాదాలు తీసుకున్నారు. ఇందుకు సంబంధించిన వీడియో ప్రస్తుతం వైరల్ అవుతోంది. కాగా, ఈ ఏడాది జూన్ 20న హైదరాబాద్ జూబ్లీహిల్స్ లోని అపోలో ఆసుపత్రిలో ఉపాసన పండంటి ఆడబిడ్డకు జన్మనిచ్చింది.
Our favourite trio, Ram Charan, Upasana, and the adorable Klin Kaara—seek blessings at Mahalaxmi temple as they celebrate 6 months with the Laxmi of their house. #ramcharan #upasana #ramklin #klinkaara #mahalaxmitemple @AlwaysRamCharan @upasanakonidela pic.twitter.com/rINHngsjX3
— RC Yuvashakthi KA (@RCYuvashakthiKA) December 20, 2023
ఇక సినిమాల విషయానికి వస్తే.. చరణ్ ప్రస్తుతం శంకర్ దర్శకత్వంలో ‘గేమ్ ఛేంజర్’ (Game Changer)లో కథానాయకుడిగా నటిస్తున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని నిర్మిస్తున్నారు. ‘ఆర్ఆర్ఆర్’ వంటి బ్లాక్బస్టర్ హిట్ తర్వాత రామ్చరణ్ నటిస్తున్న ఈ సినిమాపై అభిమానుల్లో భారీ అంచనాలేలు ఏర్పడ్డాయి. ఈ చిత్రంలో చరణ్కు జోడీగా బాలీవుడ్ భామ కియారా అడ్వానీ నటిస్తోంది. ఈ సినిమాలో తండ్రీకొడుకులుగా రామ్చరణ్ ద్విపాత్రాభినయంలో కనిపిస్తారు. అంజలి, సముద్రఖని, ఎస్.జె.సూర్య, శ్రీకాంత్, సునీల్ తదితరులు ఈ చిత్రంలో నటిస్తున్నారు. ఇక ఈ సినిమాకు తమన్ సంగీతం అందిస్తున్నారు.
Also Read..
Coronavirus | కొవిడ్ కొత్త వేరియంట్పై ప్రపంచ ఆరోగ్య సంస్థ కీలక ప్రకటన
Rashmika Mandanna | రష్మిక డీప్ఫేక్ కేసు.. పోలీసుల అదుపులో నలుగురు నిందితులు
Delhi Metro | ఢిల్లీ మెట్రోలో ఘర్షణ.. బాక్సింగ్ తరహాలో కొట్టుకున్న ప్రయాణికులు