గాలి ప్ర‌భావం.. దేవుళ్ళు దిగి వ‌చ్చారు!

హిట్ చిత్రాల ద‌ర్శ‌కుడు అనీల్ రావిపూడి స‌మ‌ర్పిస్తూ, స్క్రీన్ ప్లే అందిస్తున్న చిత్రం గాలి సంప‌త్.  యంగ్ హీరో శ్రీ విష్ణు, ల‌వ్‌లీ సింగ్ హీరోహీరోయిన్లుగా నటిస్తున్న ఈ చిత్రాన్ని అనీష్ తెర‌కెక్కిస్తున్నారు.  ప్రస్తుతం ఈ సినిమా షూటింగ్ అరకులో జరుగుతోంది. రాజేంద్ర ప్రసాద్, హీరో శ్రీ విష్ణుతో పాటు సినిమాలో ముఖ్య తారాగణంపై కీలక సన్నివేశాలు చిత్రీకరిస్తున్నారు. డిసెంబ‌ర్ 5 వ‌ర‌కు అర‌కులో షెడ్యూల్ జ‌రిపిన త‌ర్వాత హైద‌రాబాద్‌లో మిగ‌తా షూటింగ్ జ‌ర‌ప‌నున్నారు.

తాజాగా చిత్రానికి సంబందించి ఓ పోస్ట‌ర్ విడుద‌ల చేశారు. వ్యాన్‌లో దేవుని అవ‌తారాల‌లో ఉన్న వ్య‌క్త‌లు ఉండ‌గా, గాలి ప్ర‌భావం వ‌ల‌న దేవుళ్లు దిగి వచ్చారు అనే క్యాప్ష‌న్ ఇచ్చారు. తండ్రీ కొడుకుల మధ్య ముందెన్నడూ చూడని ఓ డిఫరెంట్ ఎమోషన్‌తో అనిల్ రావిపూడి మార్క్ ఎంటర్టైన్‌మెంట్ జోడించి ఈ సినిమాను ప్రేక్షకుల ముందుకు తెస్తున్నారు. ఈ చిత్రంలో రాజేంద్ర ప్ర‌సాద్‌, త‌నికెళ్ల భ‌ర‌ణి, స‌త్య‌, ర‌ఘుబాబు, శ్రీ‌కాంత్ అయ్యంగార్‌, మిర్చి కిర‌ణ్‌, సురేంద్ర రెడ్డి, గ‌గ‌న్‌, మిమ్స్ మ‌ధు, అనీష్ కురువిల్లా, ర‌జిత‌, క‌రాటే క‌ళ్యాణి, సాయి శ్రీ‌నివాస్‌, రూపల‌క్ష్మి త‌దిత‌రులు నటిస్తున్నారు. అచ్చు రాజ‌మ‌ణి సంగీతం అందిస్తున్నారు.