చావు క‌బురు చ‌ల్ల‌గా రీఎడిటింగ్‌..ఎందుకంటే..?

కార్తికేయ‌, లావ‌ణ్య త్రిపాఠి కాంబోలో వ‌చ్చిన చిత్రం చావు క‌బురుచ‌ల్ల‌గా. కౌశిక్ పెగ‌ళ్లపాటి డైరెక్ష‌న్ లో వచ్చిన ఈ చిత్రంలో ముర‌ళీశ‌ర్మ‌, ఆమ‌ని కీ రోల్స్ పోషించారు.

April 16, 2021 / 06:18 PM IST

చావు క‌బురు చ‌ల్ల‌గా రీఎడిటింగ్‌..ఎందుకంటే..?

కార్తికేయ‌, లావ‌ణ్య త్రిపాఠి కాంబోలో వ‌చ్చిన చిత్రం చావు క‌బురుచ‌ల్ల‌గా. కౌశిక్ పెగ‌ళ్లపాటి డైరెక్ష‌న్ లో వచ్చిన ఈ చిత్రంలో ముర‌ళీశ‌ర్మ‌, ఆమ‌ని కీ రోల్స్ పోషించారు. ఈ చిత్రం ఏప్రిల్ 23న డిజిట‌ల్ ప్లాట్ ఫాంలో విడుద‌ల కాబోతుంది. మార్చిలో ప్రేక్ష‌కుల ముందుకు వ‌చ్చిన ఈ మూవీ ఆడియెన్స్ ను అంత‌గా ఆకట్టుకోలేక‌పోయింది. ఆటో మొబైల్ డ్రైవ‌ర్ కు విడో న‌ర్సుకు మ‌ధ్య సాగే స్టోరీ నేప‌థ్యంలో వ‌చ్చిన ఈ చిత్రం డిజిట‌ల్ ప్లాట్ ఫాంలో ఆడియెన్స్ స‌రికొత్త అనుభూతిని పంచడం ఖాయ‌మ‌ని మేక‌ర్స్ భావిస్తున్నారు.

అంతేకాదు ఓటీటీ కోసం డైరెక్ట‌ర్ కౌశిక్ సినిమాలోని కొన్ని స‌న్నివేశాల‌ను రీ ఎడిట్ చేస్తున్నాడ‌ట‌. ఆహా ప్లాట్ ఫాం కోసం ప్ర‌త్యేకంగా ఓ సీక్వెన్స్ ను రీషూట్ చేస్తున్న‌ట్టు టాక్. డైరెక్ట‌ర్ కౌశిక్ నిర్ణ‌యానికి బ‌న్నీ వాసు, అల్లు అర‌వింద్ గ్రీన్ సిగ్న‌ల్ ఇచ్చేశార‌ట‌. సినిమా చూడ‌ని వారి కోసమే కాకుండా.. ఈ మూవీపై క్యూరియాసిటీ పెంచ‌డంలో భాగంగా డైరెక్ట్ కౌశిక్ ఈ డెసిష‌న్ తీసుకున్నాడ‌ని అంతా అనుకుంటున్నారు. మ‌రి ఓటీటీలోనైనా ఇంప్రెస్ చేస్తుందేమో చూడాలి.