పుణె: ఆస్కార్ విన్నింగ్ మ్యూజిక్ డైరెక్టర్ ఏఆర్ రెహ్మాన్(AR Rahman).. పుణెలో నిర్వహించిన సంగీత కచేరిని పోలీసులు అడ్డుకున్నారు. రాత్రి 10 దాటిన తర్వాత డెడ్లైన్ ముగిసిందని, షోను ఆపేయాలని పోలీసులు రెహ్మాన్ టీంను కోరారు. దీంతో ఆ కన్సర్ట్ను నిలిపివేశారు. స్టేజ్పై వచ్చిన ఓ పోలీసు.. షోను ఆపాలంటూ రెహ్మాన్ను అడుగుతున్న వీడియో ఒకటి సోషల్ మీడియాలో వైరల్ అయ్యింది. ఆదివారం రాత్రి ఈ ఘటన జరిగినట్లు తెలుస్తోంది.
Pune! Thank you for all the love and euphoria last night! Was such a roller coaster concert! No wonder Pune is home to so much classical music!
We shall be back soon to sing with you all again!#2BHKDinerKeyClub @heramb_shelke @btosproductions EPI pic.twitter.com/UkBn09FwLj
— A.R.Rahman (@arrahman) May 1, 2023
రాత్రి పది గంటల సమయం దాటడం వల్ల సంగీత కచేరి నిలిపివేయాలని రెహ్మాన్తో పాటు ఆయన బృందాన్ని కోరినట్లు పోలీసులు చెప్పారు. రాజా బహదూర్ మిల్లులో జరిగిన ఆ లైవ్ షోకు భారీ సంఖ్యలో రెహ్మాన్ అభిమానులు వచ్చారు. తమ అభ్యర్థనకు రెహ్వాన్ పాజిటివ్గా రియాక్డ్ అయి షోను ఆపేసినట్లు బుంద్గార్డెన్ పోలీసు ఇన్స్పెక్టర్ సంతోష్ పాటిల్ తెలిపారు. ఈ ఘటనలో ఎటువంటి కేసును నమోదు చేయలేదని పోలీసు ఆఫీసర్ వెల్లడించారు.