వ్యవసాయం చేస్తున్న త్రివిక్రమ్ హీరోయిన్ అనుప‌మ ప‌ర‌మేశ్వ‌ర‌న్‌

అవ‌కాశాలు లేక‌పోవ‌డంతో సోష‌ల్ మీడియాకే ప‌రిమిత‌మైన త్రివిక్రమ్ హీరోయిన్ అనుప‌మ‌.. అప్పుడ‌ప్పుడు ఫొటోలు పెడుతూ ఫ్యాన్స్‌కు ట‌చ్‌లో ఉంటుంది.

May 1, 2021 / 10:06 PM IST

వ్యవసాయం చేస్తున్న త్రివిక్రమ్ హీరోయిన్ అనుప‌మ ప‌ర‌మేశ్వ‌ర‌న్‌

ఆరేళ్ల కింద మ‌ల‌యాళ ప్రేమ‌మ్ సినిమాతో సినీ ఇండ‌స్ట్రీకి ప‌రిచ‌య‌మైంది అనుప‌మ ప‌ర‌మేశ్వ‌ర‌న్‌. ఆ సినిమాతో వ‌చ్చిన గుర్తింపుతో తెలుగులోనూ మంచి అవ‌కాశాలు ద‌క్కించుకుంది. త్రివిక్ర‌మ్ అ..ఆ సినిమాతో తెలుగు తెర‌కు ప‌రిచ‌య‌మైంది. టాలీవుడ్‌కు వ‌చ్చి రాగానే మంచి హిట్స్ అందుకుంది. మొద‌ట్లో గోల్డెన్ లెగ్ అనుకున్నా త‌ర్వాత వ‌రుస ప‌రాజ‌యాలు ఎదుర‌య్యాయి. దీంతో కెరీర్ కూడా డ‌ల్ అయిపోయింది. అవ‌కాశాలు లేక‌పోవ‌డంతో సోష‌ల్ మీడియాకే ప‌రిమిత‌మైన అనుప‌మ‌.. అప్పుడ‌ప్పుడు ఫొటోలు పెడుతూ ఫ్యాన్స్‌కు ట‌చ్‌లో ఉంటుంది. ఈ క్ర‌మంలోనే పొలంలో పంట కూడా పండించింది అనుప‌మ‌. దీనికి సంబంధించిన అనుప‌మ ఇన్‌స్టాగ్రామ్‌లో పెట్టిన పిక్స్ ఇప్పుడు వైర‌ల్‌గా మారాయి.

ప్ర‌స్తుతం అనుప‌మ‌.. నిఖిల్ హీరోగా న‌టిస్తున్న కార్తికేయ 2తో పాటు 18 పేజెస్ సినిమాల్లో న‌టిస్తుంది. ఈ రెండు సినిమాలు మిన‌హాయిస్తే అనుప‌మ చేతిలో మ‌రో సినిమా లేదు. మ‌ల‌యాళంలోనూ ఈమెకు అవ‌కాశాలు త‌గ్గిపోయాయి. దీంతో అప్పుడ‌ప్పుడు హాట్ ఫొటో షూట్‌లు చేస్తూ ర‌చ్చ చేస్తుంది. దీనికి తోడు క‌రోనా కార‌ణంగా షూటింగ్‌లు ఆగిపోవ‌డంతో ఇంటి ప‌ట్టునే ఉంటున్న అనుప‌మ‌.. ప‌క్క‌నే ఉన్న త‌మ‌ పొలంలో వ్య‌వ‌సాయం చేస్తుంద‌ని తెలుస్తోంది. ఈ క్ర‌మంలోనే త‌పియోక అనే దుంప‌లను ప‌ట్టుకొని దిగిన ఫొటోల‌ను ఇన్‌స్టాగ్రామ్‌లో పోస్టు చేసింది అనుప‌మ‌. ఈ ఫొటోలు ఇప్పుడు వైర‌ల్‌గా మారాయి.