కోవిడ్ బాధితుల కోసం ఐటీ ప్రొఫెష‌న‌ల్స్ అండ.. ఎలాగంటే?!

కోవిడ్ బాధితుల కోసం ఐటీ ప్రొఫెష‌న‌ల్స్ అండ| క‌రోనా బాధితుల‌ను ఆదుకునేందుకు 11 మంది హైద‌రాబాదీ ప్రొఫెష‌న‌ల్స్ ముందుకొచ్చారు. రూ.2 కోట్ల మేర‌కు విరాళాలు ....

June 9, 2021 / 07:48 PM IST

కోవిడ్ బాధితుల కోసం ఐటీ ప్రొఫెష‌న‌ల్స్ అండ.. ఎలాగంటే?!

న్యూఢిల్లీ: క‌రోనా మ‌హ‌మ్మారి స్రుష్టిస్తున్న విల‌యం అంతా ఇంతా కాదు.. అంద‌రూ అల్లాడిపోతున్నారు. దీని నివార‌ణ‌కు రూ. ల‌క్ష‌ల్లో ఖ‌ర్చు చేయాల్సి వ‌స్తున్న‌ది. కొంద‌రు ఆ డ‌బ్బుల్లేక ఏమీ చేయ‌లేక కుదేల‌వుతున్నారు. సాయం కోసం ఆశ‌గా ఎదురుచూస్తున్నారు.

అటువంటి అభ్యాగుల‌ కోసం ముందుకు వ‌చ్చారు 17 మంది ఐటీ ప్రొఫెష‌న‌ల్స్‌.. వీరంతా హైద‌రాబాదీలే. ఐటీ సెక్టార్‌లో గానీ, స్టార్ట‌ప్ ప్రొఫెష‌న‌ల్స్‌గా గానీ ప‌నిచేస్తున్నారు. క‌రోనాతో చితికి పోయిన బాధ‌లు వీరిని క‌దిలించాయి.

అయితేనేం. ఒక‌రినొక‌రు క‌లుసుకోలేదు.. కానీ వాట్సాప్ గ్రూప్‌లో ఆన్‌లైన్ చ‌ర్చ‌లో సంప్ర‌దించుకున్నారు. ఆప‌త్కాలంలో అవ‌స‌ర‌మైన వారికి అండ‌గా నిల‌వాల‌ని కోరుకున్నారు. విరాళాల కోసం వారు ఇచ్చిన పిలుపు ఈ నెల 7 నాటికి 4,254 మంది దాత‌ల‌ను క‌దిలించింది.

దీంతో రూ.2,17,30,571 డ‌బ్బులు జ‌మ అయ్యాయి. ఈ నిధుల‌తో 312 కోవిడ్‌-19 బాధితులు, వారి కుటుంబాల‌కు చేయూత‌నిచ్చారు. ఈ ఫండ్ కోసం గ‌త ఏప్రిల్ 22న ఖాతా ఏర్పాటైంది. ఆ నిధి నుంచి అర్హులైన వారికి నేరుగా సాయం చేశారు.

అర్హులైన బాధితుల వివ‌రాల‌ను ద‌వాఖాన‌ల్లో ఈ టీం తెలుసుకుంటుంది. వారి అవ‌స‌రాల‌కు అనుగుణంగా సంబంధిత ద‌వాఖాన‌ల‌కు, ఆయా కుటుంబాల‌కు సాయం చేసేవారు.

ఈ గ్రూప్ ఏర్పాటు చేసిన వారిలో వివేకానంద అనే వ్య‌క్తి మాట్లాడుతూ చాలా మంది సాయం కోసం వేచి చూస్తున్నార‌న్నారు. వారికి సాయం చేయాల‌ని ఉన్నా, ఎలా అన్న‌ది తెలిసేది కాద‌న్నారు. మేం ఒక వాట్సాప్ గ్రూప్ త‌యారు చేసి క‌లిసి రావాల‌ని కోరాం అని చెప్పారు.

వివ‌కానంద‌తోపాటు ఇబ్ర‌హీంఖాన్‌, షాజాద్ అహ్మ‌ద్‌, అరుణిమ‌, ఇంతియాజ్‌, విభ‌, ఉద‌య‌, అఫ్జ‌ల్‌, శివాజీ, శ్రుతి, ఆదిత్య కొథారీ, అర్చ‌న‌, దివాక‌ర్‌, జీలం బీ, మాధ‌వ‌న్‌, హ‌ర్ష్‌బిర్‌, శివంగి ఈ గ్రూప్‌లో స‌భ్యులుగా ఉన్నారు.