Indian Rupee | తీరుమారని రూపాయి.. మరో 26 పైసలు పతనమైన దేశీయ కరెన్సీ

రూపాయి మారకం విలువ మళ్లీ క్షీణించింది. మంగళవారం ట్రేడింగ్‌లో డాలర్‌తో పోల్చితే మరో 26 పైసలు పడిపోయి 86.57 వద్ద ముగిసింది. అమెరికా అధ్యక్షుడు డొనాల్డ్‌ ట్రంప్‌ సుంకాల భయం.. అంతర్జాతీయ మార్కెట్‌ను ఆవరించడంతో కరెన్సీ మార్కెట్‌పై ఆ ప్రభావం స్పష్టంగా కనిపించింది.

Indian Rupee | ముంబై, జనవరి 28 : రూపాయి మారకం విలువ మళ్లీ క్షీణించింది. మంగళవారం ట్రేడింగ్‌లో డాలర్‌తో పోల్చితే మరో 26 పైసలు పడిపోయి 86.57 వద్ద ముగిసింది. అమెరికా అధ్యక్షుడు డొనాల్డ్‌ ట్రంప్‌ సుంకాల భయం.. అంతర్జాతీయ మార్కెట్‌ను ఆవరించడంతో కరెన్సీ మార్కెట్‌పై ఆ ప్రభావం స్పష్టంగా కనిపించింది.

మరోవైపు చమురు దిగుమతిదారుల నుంచి వస్తున్న డిమాండ్‌తో బలపడుతున్న డాలర్‌కుతోడు, భారతీయ మార్కెట్‌ నుంచి విదేశీ సంస్థాగత మదుపరుల (ఎఫ్‌ఐఐ) పెట్టుబడులు తరలిపోతుండటం కూడా మార్కెట్‌ సెంటిమెంట్‌ను దెబ్బతీసిందని ఫారెక్స్‌ మార్కెట్‌ వర్గాలు ట్రేడింగ్‌ సరళిని విశ్లేషిస్తున్నాయి. ఈ ఒక్కరోజే ఎఫ్‌ఐఐలు రూ.4,920.69 కోట్ల పెట్టుబడుల్ని దేశీయ స్టాక్‌ మార్కెట్ల నుంచి వెనక్కి తీసుకున్నారు. సోమవారం కూడా రూపాయి మారకం విలువ 9 పైసలు దిగజారిన విషయం తెలిసిందే. ఇదే రోజు రూ.5,015. 46 కోట్ల ఎఫ్‌ఐఐ పెట్టుబడులు తరలిపోయాయి.