జియోకు మరో 32 లక్షల కస్టమర్లు

టెలికం దిగ్గజం రిలయన్స్‌ జియో వినియోగదారులను ఆకట్టుకోవడంలో దూసుకుపోతున్నది. ఆగస్టు నెలలోనూ 32.4 లక్షల మంది కొత్త కస్టమర్లు జియో నెట్‌వర్క్‌ను ఎంచుకున్నారు.

న్యూఢిల్లీ, నవంబర్‌ 16: టెలికం దిగ్గజం రిలయన్స్‌ జియో వినియోగదారులను ఆకట్టుకోవడంలో దూసుకుపోతున్నది. ఆగస్టు నెలలోనూ 32.4 లక్షల మంది కొత్త కస్టమర్లు జియో నెట్‌వర్క్‌ను ఎంచుకున్నారు. దీంతో మొత్తం సబ్‌స్ర్కైబర్ల సంఖ్య 44.57 కోట్లకు చేరుకున్నట్లు టెలికం నియంత్రణ మండటి ట్రాయ్‌ తాజాగా విడుదల చేసిన నివేదికలో వెల్లడించింది.

మరో టెలికం సంస్థ భారతీ ఎయిర్‌టెల్‌ను 12.17 లక్షల మంది కస్టమర్లు ఎంచుకోగా..ఆర్థిక సంక్షోభంలో కొట్టుమిట్టాడుతున్న వొడాఫోన్‌ ఐడియాను మాత్రం 49,782 యూజర్లను నష్టపోయింది. ఆగస్టు చివరినాటికి ఎయిర్‌టెల్‌ కస్టమర్ల సంఖ్య 37.64 కోట్లకు చేరుకోగా, ఇదే సమయంలో వొడాఫోన్‌ ఐడియా వైర్‌లెస్‌ సబ్‌స్ర్కైబర్లు 22.82 కోట్లకు పరిమితమయ్యారు.

• ఆగస్టులో 1.26 కోట్ల మంది మొబైల్‌ నంబర్‌ పోర్టబిలిటీ ద్వారా తమ నెట్‌వర్క్‌ను మార్చుకోవాలని దరఖాస్తు చేసుకున్నారు.
• దీంతో ఇప్పటి వరకు ఎంఎన్‌పీ ద్వారా నంబర్‌ మార్చుకున్నవారి సంఖ్య 86.4 కోట్ల నుంచి 87.7 కోట్లకు చేరుకున్నారు.
• బ్రాండ్‌బ్యాండ్‌ సబ్‌స్ర్కైబర్లు స్వల్పంగా పెరిగి 87.6 కోట్లకు చేరారు.
• మొత్తం బ్రాండ్‌బ్యాండ్‌ స్ర్కైబర్లలో తొలి ఐదు సంస్థల వాటా 98.35 శాతంగా ఉన్నది. వీరిలో రిలయన్స్‌ జియోకు 45.5 కోట్లు, భారతీ ఎయిర్‌టెల్‌కు 25.3 కోట్లు, వొడాఫోన్‌ ఐడియా 12.5 కోట్లు, ప్రభుత్వరంగ సంస్థ బీఎస్‌ఎన్‌ఎల్‌కు 2.5 కోట్ల మంది కస్టమర్లు ఉన్నారు.
• ఆగస్టు చివరినాటికి దేశవ్యాప్తంగా వైర్‌లెస్‌ సబ్‌స్ర్కైబర్ల సంఖ్య 114.8 కోట్లకు చేరుకున్నారు.
• వైర్‌లైన్‌ సబ్‌స్ర్కైబర్ల సంఖ్య 3 కోట్లకు చేరారు. వీరిలో జియోకు 1.78 లక్షలు, భారతీ ఎయిర్‌టెల్‌ 1.16 లక్షల మంది జతయ్యారు.