మూడో రోజూ ర్యాలీ

శీయ స్టాక్‌ మార్కెట్లు వరుసగా మూడో రోజూ లాభాల్లో ముగిశాయి. బ్లూచిప్‌ సంస్థల షేర్లకు మదుపరుల నుంచి లభించిన మద్దతుకు తోడు అంతర్జాతీయ మార్కెట్ల నుంచి వచ్చిన సానుకూల అంశాలు కూడా తోడవడంతో మంగళవారం సూచీలు లాభపడ్డాయి.

• 230 పాయింట్లు ఎగిసిన సెన్సెక్స్‌

గత మూడు సెషన్లలో సెన్సెక్స్‌ 830 పాయింట్లు లేదా 1.17 శాతం, నిఫ్టీ 291 పాయింట్లు లేదా 1.37 శాతం చొప్పున బలపడ్డాయి.

ముంబై, డిసెంబర్‌ 26: దేశీయ స్టాక్‌ మార్కెట్లు వరుసగా మూడో రోజూ లాభాల్లో ముగిశాయి. బ్లూచిప్‌ సంస్థల షేర్లకు మదుపరుల నుంచి లభించిన మద్దతుకు తోడు అంతర్జాతీయ మార్కెట్ల నుంచి వచ్చిన సానుకూల అంశాలు కూడా తోడవడంతో మంగళవారం సూచీలు లాభపడ్డాయి. ఇంట్రాడేలో 350 పాయింట్లకు పైగా పెరిగిన 30 షేర్ల ఇండెక్స్‌ సూచీ సెన్సెక్స్‌ చివరకు 229.84 పాయింట్లు పెరిగి 71,336.80 వద్ద ముగిసింది. హెవీవెయిట్‌ షేైర్లెన హెచ్‌డీఎఫ్‌సీ బ్యాంక్‌, రిలయన్స్‌ ఇండస్ట్రీస్‌లు లాభపడటంతో సూచీలు కదంతొక్కాయి. మరో సూచీ నిఫ్టీ కూడా 91.95 పాయింట్లు అందుకొని 21,441.35 వద్ద స్థిరపడింది.

• పవర్‌, యుటిలిటీ, బ్యాంకింగ్‌, ఆయిల్‌ అండ్‌ గ్యాస్‌, కమోడిటీస్‌ రంగ షేర్లు మదుపరులను ఆకట్టుకున్నాయి.
• కానీ, ఐటీ, టెక్నాలజీ రంగ షేర్లలో భారీగా క్రయవిక్రయాలు జరిగాయి
• ఎన్‌టీపీసీ 2.44 శాతం పెరిగి టాప్‌ గెయినర్‌గా నిలిచింది.
• మహీంద్రా, విప్రో, కొటక్‌ బ్యాంక్‌, టాటా స్టీల్‌, ఏషియన్‌ పెయింట్స్‌, భారతీ ఎయిర్‌టెల్‌, టైటాన్‌, నెస్లె, హెచ్‌డీఎఫ్‌సీ బ్యాంక్‌, పవర్‌గ్రిడ్‌, యాక్సిస్‌ బ్యాంక్‌, మారుతి, ఇండస్‌ఇండ్‌ బ్యాంక్‌, అల్ట్రాటెక్‌ సిమెంట్‌, టెక్‌ మహీంద్రా, రిలయన్స్‌, హెచ్‌యూఎల్‌, ఎల్‌అండ్‌టీ, ఐటీసీ, సన్‌ఫార్మా, ఎస్బీఐ, ఐసీఐసీఐ బ్యాంక్‌లు పెరిగాయి.
• కానీ, బజాజ్‌ ఫైనాన్స్‌, బజాజ్‌ ఫిన్‌సర్వ్‌, ఇన్ఫోసిస్‌, టీసీఎస్‌, టాటా మోటర్స్‌, జేఎస్‌డబ్ల్యూ స్టీల్‌, హెచ్‌సీఎల్‌ టెక్నాలజీ షేర్లు నష్టపోయాయి.
• రంగాలవారీగా చూస్తే యుటిలిటీ, ఆయిల్‌ అండ్‌ గ్యాస్‌, కమోడిటీస్‌, ఎనర్జీ, పవర్‌, హెల్త్‌కేర్‌, మెటల్‌, వాహన రంగ షేర్లు రెండు శాతం వరకు అధికమయ్యాయి.