Watch: రోడ్డుపై జారిన బైక్‌.. చావు నుంచి తృటిలో తప్పించుకున్న విద్యార్థి

Student Escapes Death | ఒక విద్యార్థి నడిపిన బైక్‌ అదుపుతప్పింది. మలుపులో అది జారిపడింది. దీంతో బైక్‌పై ఉన్న యువకుడు రోడ్డుపై పడ్డాడు. ఎదురుగా వస్తున్న బస్సు టైర్‌ కింద పడబోయాడు. అయితే డ్రైవర్‌ బ్రేకులు వేయడంతో చావు నుంచి తృటిలో తప్పించుకున్నాడు.

February 8, 2026 / 06:14 PM IST

Watch: రోడ్డుపై జారిన బైక్‌.. చావు నుంచి తృటిలో తప్పించుకున్న విద్యార్థి

తిరువనంతపురం: ఒక విద్యార్థి నడిపిన బైక్‌ అదుపుతప్పింది. మలుపులో అది జారిపడింది. దీంతో బైక్‌పై ఉన్న యువకుడు రోడ్డుపై పడ్డాడు. ఎదురుగా వస్తున్న బస్సు టైర్‌ కింద పడబోయాడు. అయితే డ్రైవర్‌ బ్రేకులు వేయడంతో చావు నుంచి తృటిలో తప్పించుకున్నాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (Student Escapes Death) కేరళలోని మలప్పురం జిల్లాలో ఈ సంఘటన జరిగింది. ఆదివారం ఒక విద్యార్థి బైక్‌పై వెళ్తున్నాడు. రోడ్డు మలుపులో నియంత్రణ కోల్పోయాడు. దీంతో బైక్‌ జారడంతో ఆ విద్యార్థి రోడ్డుపై పడ్డాడు.

కాగా, ఎదురుగా ఒక బస్సు వస్తున్నది. రోడ్డుపై ఉన్న విద్యార్థి దాని వెనుక చక్రం ముందు పడబోయాడు. అయితే డ్రైవర్‌ వెంటనే అప్రమత్తమయ్యాడు. బ్రేకులు వేయడంతో ఆ బస్సు ఆగింది. అయితే బస్సు వెనుక టైర్‌ ముందు తల ఉన్న ఆ విద్యార్థి తృటిలో మృత్యువు నుంచి బయటపడ్డాడు. ఈ ప్రమాదంలో అతడు స్వల్పంగా గాయపడ్డాడు.

మరోవైపు గమనించిన స్థానికులు వెంటనే ఆ యువకుడి వద్దకు వచ్చి సహాయం చేశారు. ఆ ప్రాంతంలోని సీసీటీవీలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. అదృష్టవశాత్తు ప్రాణాలతో బయటపడిన ఆ విద్యార్థి మృత్యుంజయుడని నెటిజన్లు కొనియాడారు.

മലപ്പുറം കൂട്ടിലങ്ങാടിയിൽ ബൈക്കപകടത്തിൽ അത്ഭുതകരമായ രക്ഷപ്പെട്ട വിദ്യാർത്ഥി pic.twitter.com/YwKRzlZHpQ

— Anil Padmanabhan🇮🇳🕉️🚩 (@anilp68) February 7, 2026