80 వేల దిగువకు సెన్సెక్స్‌

దేశీయ స్టాక్‌ మార్కెట్లు అమ్మకాల ఒత్తిడిని ఎదుర్కొన్నాయి. అంతర్జాతీయ మార్కెట్లో బేరిష్‌ ట్రెండ్‌ కొనసాగుతుండటంతో మదుపరుల్లో ఆందోళన నెలకొన్నది. దీంతో అమ్మకాలకు మొగ్గుచూపడంతో సెన్సెక్స్‌ 80 వేల పాయింట్ల దిగువకు పడిపోయింది.

• 400 పాయింట్లకు పడిపోయిన సూచీ

ముంబై, అక్టోబర్‌ 30 : దేశీయ స్టాక్‌ మార్కెట్లు అమ్మకాల ఒత్తిడిని ఎదుర్కొన్నాయి. అంతర్జాతీయ మార్కెట్లో బేరిష్‌ ట్రెండ్‌ కొనసాగుతుండటంతో మదుపరుల్లో ఆందోళన నెలకొన్నది. దీంతో అమ్మకాలకు మొగ్గుచూపడంతో సెన్సెక్స్‌ 80 వేల పాయింట్ల దిగువకు పడిపోయింది. కార్పొరేట్ల నిరుత్సాహక ఫలితాలు, విదేశీ సంస్థాగత పెట్టుబడిదారులు భారీగా నిధులను తరలించుకుపోవడం మార్కెట్లో సెంటిమెంట్‌ను నిరుత్సాహపరిచింది. 80,435 పాయింట్ల గరిష్ఠ స్థాయిని తాకిన 30 షేర్ల ఇండెక్స్‌ సూచీ సెన్సెక్స్‌ చివరకు 426.85 పాయింట్ల నష్టంతో 79,942.18 వద్ద ముగిసింది. అటు మరో సూచీ నిఫ్టీ సైతం 126 పాయింట్లు కోల్పోయి 24,340.85 వద్ద నిలిచింది.

• ఇన్ఫోసిస్‌ షేరు 2 శాతానికి పైగా నష్టపోయి టాప్‌ లూజర్‌గా నిలిచింది.
• దీంతోపాటు హెచ్‌సీఎల్‌ టెక్‌, ఐసీఐసీఐ బ్యాంక్‌, కొటక్‌ బ్యాంక్‌, మహీంద్రా, ఎస్బీఐ, యాక్సిస్‌ బ్యాంక్‌, సన్‌ఫార్మా, ఎన్‌టీపీసీ, హెచ్‌డీఎఫ్‌సీ బ్యాంక్‌, టెక్‌ మహీంద్రా, టాటా మోటర్స్‌, భారతీ ఎయిర్‌టెల్‌లు నష్టపోయాయి.
• మారుతి షేరు 2 శాతం లాభపడి టాప్‌ గెయినర్‌గా నిలిచింది. ఇండస్‌ఇండ్‌ బ్యాంక్‌, అదానీ పోర్ట్స్‌, ఎల్‌అండ్‌టీ, అల్ట్రాటెక్‌, టైటాన్‌, ఐటీసీ, నెస్లె, రిలయన్స్‌, హెచ్‌యూఎల్‌, టీసీఎస్‌, ఏషియన్‌ పెయింట్స్‌లు లాభాల్లో ముగిశాయి.