డివిడెండ్‌పై 24న రిల‌య‌న్స్ నిర్ణ‌యం..!

డివిడెండ్‌పై 24న రిల‌య‌న్స్ నిర్ణ‌యం..! రిల‌య‌న్స్ వార్షిక జ‌న‌ర‌ల్ బాడీ స‌మావేశం ఈ నెల 24న జ‌రుగుతుంది. ఈ స‌మావేశంలో...

June 1, 2021 / 11:42 PM IST

ముంబై: రిల‌య‌న్స్ ఇండ‌స్ట్రీస్ (ఆర్ఐఎల్‌) వార్షిక జ‌న‌ర‌ల్ బాడీ స‌మావేశం ఈ నెల 24వ తేదీ మ‌ధ్యాహ్నం రెండు గంట‌ల‌కు నిర్వ‌హిస్తారు. వీడియో కాన్ఫ‌రెన్స్‌, ఇత‌ర ఆడియో విజువ‌ల్స్ మీన్స్ (ఓఏవీఎం) ద్వారా ఈ స‌మావేశం జ‌రుగుతుంది.

వ‌ర్చువ‌ల్ వేదిక‌గా జ‌రిగే ఈ స‌మావేశానికి సంబంధించిన నోటీసు, 2020-21 సంవ‌త్స‌ర అడిటెడ్ ఫైనాన్సియ‌ల్ స్టేట్‌మెంట్లు, బోర్డు నివేదిక‌, అడిట‌ర్ రిపోర్టు, ఇత‌ర ముఖ్య‌మైన ప‌త్రాల‌ను ముందుగానే స‌భ్యుల రిజిస్ట‌ర్డ్ ఈ-మెయిల్ అడ్ర‌స్‌కు పంపుతారు.

రిల‌య‌న్స్ ఏజీఎంకు హాజ‌రు కావ‌డానికి, రిజొల్యూష‌న్ల‌పై నోటీసు ఇవ్వ‌డానికి ఈ నెల 17 వ‌ర‌కు గ‌డువును ఖరారు చేశారు. అలాగే కంపెనీ వాటాదారుల్లో డివిడెండ్ పొందేందుకు అర్హులంటూ పేర్లు న‌మోదు చేసుకోవ‌డానికి ఈ నెల 14వ తేదీని నిర్ణ‌యించారు. ఒక‌వేళ డివిడెండ్ ఖ‌రారైతే.. ఏజీఎం పూర్త‌యిన వారంలోపు చెల్లింపు మొద‌ల‌వుతుంది.