బ్యాంకులో అకౌంట్ ఉందా? ఒక‌టో తేదీ నుంచి ఈ రూల్స్ మార‌బోతున్నాయి.. అవేంటో తెలుసా

Auto debit rules | బ్యాంకింగ్‌, పెట్టుబడులు వంటి కీలక రంగాలకు సంబంధించిన సేవల్లో శుక్రవారం (అక్టోబర్‌ 1) నుంచి కొత్త నిబంధనలు అమల్లోకి రానున్నాయి. అవేంటంటే..

పెన్షన్‌

80ఏండ్లు పైబడినవారు ఇకపై పెన్షన్‌ను సక్రమంగా అందుకోవాలంటే అక్టోబర్‌ 1 నుంచి డిజిటల్‌ ఫార్మాట్‌లో జీవన ధ్రువీకరణ పత్రాన్ని తప్పనిసరిగా సమర్పించాల్సి ఉంటుంది. దీనికోసం ఇండియన్‌ పోస్టల్‌ డిపార్ట్‌మెంట్‌ అన్ని హెడ్‌ పోస్టాఫీసుల్లో జీవన్‌ ప్రమాణ్‌ కేంద్రాలను ఏర్పాటు చేయనున్నది.

ఆటో డెబిట్‌

నెట్‌ఫ్లిక్స్‌ వంటి ఓటీటీల నెలవారీ సబ్‌స్క్రిప్షన్లకు ఆటో డెబిట్‌ చెల్లింపులు అక్టోబర్‌ 1 నుంచి కస్టమర్ల అనుమతితోనే జరుగనున్నాయి. ఇందుకోసం చెల్లింపులు జరిగే 24 గంటలకు ముందు లావాదేవీలకు సంబంధించి సదరు బ్యాంకు వినియోగదారుడికి ఎస్సెమ్మెస్‌, ఈ-మెయిల్‌ ద్వారా సమాచారం అందించాలి. కస్టమర్‌ అనుమతిస్తేనే.. చెల్లింపులను పూర్తిచేయాలి.

చెక్‌ బుక్‌

ఓరియంటల్‌ బ్యాంక్‌ ఆఫ్‌ కామర్స్‌ (ఓబీసీ), యునైటెడ్‌ బ్యాంక్‌ ఆఫ్‌ ఇండియా, అలహాబాద్‌ బ్యాంక్‌కు సంబంధించి పాత చెక్కు బుక్కులు, ఎంఐసీఆర్‌ కోడ్స్‌ అక్టోబర్‌ 1 నుంచి చెల్లబోవు. బ్యాంకుల విలీనం నేపథ్యంలో ఈ కొత్త నిబంధనల్ని తీసుకొచ్చారు.

పెట్టుబడులు

అసెట్‌ మేనేజ్‌మెంట్‌ కంపెనీ (ఏఎంసీ)ల్లో పనిచేసే జూనియర్‌ స్థాయి ఉద్యోగులు ఇకపై తప్పనిసరిగా సంస్థకు చెందిన మ్యూచువల్‌ ఫండ్స్‌లో పెట్టుబడులు పెట్టాలని సెబీ సర్క్యులర్‌ జారీ చేసింది. ఈ నిబంధనలు అక్టోబర్‌ 1 నుంచి అమల్లోకి రానున్నాయి. వచ్చే నెల 1 నుంచి స్థూల వేతనంలో 10% వేతనాన్ని పెట్టుబడి పెట్టాల్సి ఉంటుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చ‌ద‌వండి..

దీపావళికి బంగారమే కొందాం

హైద‌రాబాద్ టు ముంబై.. 3 గంట‌లే జ‌ర్నీ.. ఎలాగో తెలుసా?!

బ్యాడ్‌ బ్యాంకుకు లక్ష కోట్ల ఫ్రాడ్‌ లోన్స్‌.. ఆర్బీఐ అనుమతికి ఎదురుచూపులు

చిప్ కొర‌తతో భార‌త్‌కు న్యూ మోడ‌ల్స్ స‌ర‌ఫ‌రాల్లో తీవ్ర జాప్యం!