NIT | వరంగల్ నిట్‌లో ‘ఇండస్ట్రీ కాన్‌క్లేవ్‌: కెరీర్‌ లాంచ్‌ సమ్మిట్‌’..!

హనుమకొండ చౌరస్తా, ఆగస్టు 2: ఎన్‌ఐటీలోని ‘ఇండస్ట్రీ కాన్‌ క్లేవ్‌: కెరీర్‌ లాంచ్‌ సమ్మిట్‌-2026’ నిర్వహించారు. నిట్‌లో ఈ తరహాలో నిర్వహించిన మొట్టమొదటి ఇండస్ట్రీ కాన్‌క్లేవ్‌గా నిలిచిన కార్యక్రమం ఇదే.

హనుమకొండ చౌరస్తా, ఆగస్టు 2: ఎన్‌ఐటీలోని ‘ఇండస్ట్రీ కాన్‌ క్లేవ్‌: కెరీర్‌ లాంచ్‌ సమ్మిట్‌-2026’ నిర్వహించారు. సెంటర్‌ ఫర్‌ కెరీర్‌ ప్లానింగ్‌ అండ్‌ డెవలప్‌మెంట్‌ ఆధ్వర్యంలో డాక్టర్‌ బి.ఆర్‌.అంబేద్కర్‌ లెర్నింగ్‌ సెంటర్‌లో విద్యార్థులకు ఉపాధి అవకాశాలపై అవగాహన కల్పించారు. నిట్‌లో ఈ తరహాలో నిర్వహించిన మొట్టమొదటి ఇండస్ట్రీ కాన్‌క్లేవ్‌గా నిలిచిన కార్యక్రమం ఇదే.

త్వరలో నిట్ క్యాంపస్‌లో జరుగబోయే ప్లేస్‌మెంట్ సీజన్‌కు ముందు విద్యార్థులకు పరిశ్రమల అంచనాలు, అవసరమైన నైపుణ్యాలు, ఉపాధి అవకాశాలపై అవగాహన కల్పించేందుకు ‘ఇండస్ట్రీ కాన్‌ క్లేవ్‌: కెరీర్‌ లాంచ్‌ సమ్మిట్‌-2026’ను రూపొందించారు. ఆన్‌లైన్‌లో ఈ కార్యక్రమంలో పాల్గొన్న నిట్‌ డైరెక్టర్‌ ప్రొఫెసర్‌ బిద్యాధర్‌ సుబుధి.. ఈ వినూత్న కార్యక్రమాన్ని అభినందించారు. సీసీపీడీ బృందం రూపొందించిన సదస్సు ద్వారా విద్యార్థులు చురుకుగా పాల్గొని పరిశ్రమ అవసరాలను అర్థం చేసుకుని ప్రయోజనం పొందాలని ఆయన ఆకాంక్షించారు. సీసీపీడీ హెడ్‌ ప్రొఫెసర్‌ పి.వి.సురేష్‌ ఈ కాన్‌క్లేవ్‌ నిర్వహణ లక్ష్యాలను వివరించారు.

ఈ సందర్భంగా 2026-27 విద్యా సంవత్సరానికి సంబంధించిన ప్లేస్‌మెంట్‌ బ్రోచర్‌ను ఆవిష్కరించారు. రెండురోజుల పాటు నిర్వహించిన ఈ సమ్మిట్‌లో హెచ్‌పీసీఎల్‌, ఎక్సాన్‌ మొబిల్‌, మైక్రోన్‌, ట్రూవెటా వంటి ప్రముఖ సంస్థల ప్రతినిధులు పాల్గొని లీడర్‌ షిప్‌ టాక్స్​​‍, ప్యానెల్‌ చర్చలు, అలుమ్‌ని ఇంటరాక్షన్‌ కార్యక్రమాలు నిర్వహించారు. కోర్‌ ఇంజినీరింగ్‌, కన్సల్టింగ్‌, సెమీకండక్టర్‌, ఎనర్జీ, కృత్రిమ మేధస్సు ఆధారిత పరిశ్రమల్లో అవసరమైన నైపుణ్యాలు, ఉపాధి అవకాశాలపై వారు విద్యార్థులకు విలువైన సూచనలు అందించారు.