5 లక్షల కోట్లు ఆవిరి

దేశీయ స్టాక్‌ మార్కెట్లు కుప్పకూలాయి. ఫెడరల్‌ రిజర్వుతోపాటు ఒకేసారి పలు సెంట్రల్‌ బ్యాంక్‌లు వడ్డీరేట్లను పెంచుతూ తీసుకున్న నిర్ణయం మదుపరుల్లో ఆందోళన పెంచింది. ఫలితంగా వరుసగా మూడోరోజు సూచీలు భీకరనష్టాల్లోకి జారుకున్నాయి

• భారీగా నష్టపోయిన స్టాక్‌ మార్కెట్లు

న్యూఢిల్లీ, సెప్టెంబర్‌ 23: దేశీయ స్టాక్‌ మార్కెట్లు కుప్పకూలాయి. ఫెడరల్‌ రిజర్వుతోపాటు ఒకేసారి పలు సెంట్రల్‌ బ్యాంక్‌లు వడ్డీరేట్లను పెంచుతూ తీసుకున్న నిర్ణయం మదుపరుల్లో ఆందోళన పెంచింది. ఫలితంగా వరుసగా మూడోరోజు సూచీలు భీకరనష్టాల్లోకి జారుకున్నాయి. 30 షేర్ల ఇండెక్స్‌ సూచీ సెన్సెక్స్‌ ఏకంగా వెయ్యి పాయింట్లకు పైగా నష్టపోయి 58 వేల పాయింట్ల స్థాయికి జారుకున్నది. రూపాయి మారకం విలువ 81 స్థాయికి జారుకోవడం కూడా మార్కెట్ల పతనానికి ఆజ్యంపోసింది.

వారాంతం ట్రేడింగ్‌ ముగిసే సరికి సెన్సెక్స్‌ 1,020.80 పాయింట్లు లేదా 1.73 శాతం నష్టపోయి 58,098.92 వద్ద నిలిచింది. ఎన్‌ఎస్‌ఈ నిఫ్టీ కూడా 302.45 పాయింట్లు(1.72 శాతం) తగ్గి 17,327.35 వద్ద ముగిసింది. దీంతో రూ.5 లక్షల కోట్ల వరకు మదుపరుల సంపదను కోల్పోయారు. బీఎస్‌ఈలో లిైస్టెన సంస్థల విలువు ఒకేరోజు రూ.4,90,162.55 కోట్లు కరిగిపోయి రూ.2,76,64,566.79 కోట్లకు పరిమితమైంది. గత మూడు సెషన్లలో సెన్సెక్స్‌ 1,621 పాయింట్లు నష్టపోవడంతో మదుపరులు రూ.6.77 లక్షల కోట్ల సంపదను కోల్పోయారు.

• పవర్‌గ్రిడ్‌ అత్యధికంగా 7.93 శాతం నష్టపోయి టాప్‌ లూజర్‌గా నిలిచింది. దీంతోపాటు మహీంద్రా, ఎస్బీఐ, బజాజ్‌ ఫిన్‌సర్వ్‌, బజాజ్‌ ఫైనాన్స్‌, ఎన్‌టీపీసీ, హెచ్‌డీఎఫ్‌సీ, ఇండస్‌ఇండ్‌ బ్యాంక్‌లు కూడా నష్టపోయాయి.
• కానీ, సన్‌ఫార్మా, టాటా స్టీల్‌, ఐటీసీలు మాత్రం 2 శాతం అధికమయ్యాయి.
• బీఎస్‌ఈ మిడ్‌క్యాప్‌ 2.28 శాతం, స్మాల్‌క్యాప్‌ 1.92 శాతం పతనం చెందాయి.
• రంగాలవారీగా చూస్తే యుటిలిటీ 3.48 శాతం, పవర్‌ 3.40 శాతం, రియల్టీ 2.97 శాతం, ఫైనాన్స్‌ సర్వీసులు 2.56 శాతం, టెలికమ్యూనికేషన్‌ 2.17 శాతం, క్యాపిటల్‌ గూడ్స్‌ 2.06 శాతం పడిపోయాయి.