IRCTC HDFC Bank Credit Card | రైల్వే ప్రయాణికులకు గుడ్‌ న్యూస్‌.. హెచ్డీఎఫ్సీ బ్యాంకుతో కలిసి ఐఆర్సీటీసీ క్రెడిట్‌ కార్డు!

IRCTC HDFC Bank Credit Card | రైల్వే ప్రయాణికుల కోసం హెచ్డీఎఫ్‌సీ బ్యాంక్‌తో కలిసి ఐఆర్సీటీసీ కో- బ్రాండెడ్‌ క్రెడిట్‌ కార్డు అందుబాటులోకి తెచ్చింది.

IRCTC HDFC Bank Credit Card | దేశంలోని సబర్బన్‌ ప్రాంతాల్లో నివసిస్తూ సమీప పట్టణాలు, నగరాల్లో ఉద్యోగాలు చేసే వారికి, నిత్యం రైలు ప్రయాణం చేసే వారికి గుడ్‌ న్యూస్‌. ప్రముఖ ప్రైవేట్‌ బ్యాంక్‌ హెచ్డీఎఫ్‌సీ బ్యాంకుతో కలిసి రైల్వే టికెట్ల ఆన్‌లైన్‌ రిజర్వేషన్ల సంస్థ ఇండియన్‌ రైల్వే క్యాటరింగ్‌ అండ్‌ టూరిజం అండ్‌ టూరిజం కార్పొరేషన్ (ఐఆర్సీటీసీ -IRCTC) కో- బ్రాండెడ్‌ క్రెడిట్‌ కార్డు- ఐఆర్సీటీసీ హెచ్డీఎఫ్సీ క్రెడిట్‌ కార్డు (IRCTC HDFC Bank Credit Card) తీసుకొచ్చింది. ఈ క్రెడిట్‌ కార్డు రూపే నెట్‌వర్క్‌ ఆధారంగా పని చేస్తుంది. దీంతో రైల్వే టికెట్ల బుకింగ్‌పై డబ్బు ఆదా చేసుకోవడంతోపాటు ఇతర బెనిఫిట్లు పొందొచ్చు. ఆసక్తి కల వారు హెచ్డీఎఫ్సీ, ఐఆర్సీటీసీ వెబ్‌సైట్లలో ఆన్‌లైన్‌లో దరఖాస్తు చేసుకోవచ్చు. హెచ్డీఎఫ్సీ బ్యాంక్‌ శాఖలకు వెళ్లి కూడా అప్లయ్‌ చేయవచ్చు. ఈ ఐఆర్సీటీసీ హెచ్డీఎఫ్సీ క్రెడిట్‌ కార్డుతో ఐఆర్సీటీసీ వెబ్‌సైట్‌, యాప్‌ ద్వారా బుకింగ్స్‌పై ఎక్స్‌క్లూజివ్‌ బెనిఫిట్లు అందుబాటులోకి వచ్చాయి.

హెచ్డీఎఫ్సీ బ్యాంక్‌ ఇంటర్నెట్‌ బ్యాంకింగ్‌, మొబైల్‌ యాప్‌ ద్వారా టికెట్ల బుకింగ్‌ లావాదేవీలు చేయలేకపోతున్నట్లు పలువురు హెచ్డీఎఫ్సీ బ్యాంక్‌ యూజర్లు ట్విట్టర్‌లో ఫిర్యాదులు చేసిన దరిమిలా.. ఐఆర్సీటీసీతో కలిసి కో- బ్రాండెడ్‌ క్రెడిట్‌ కార్డు జారీ చేయడం ప్రాధాన్యం సంతరించుకున్నది. ఇంతకుముందు భారతీయ స్టేట్‌ బ్యాంక్‌ (ఎస్బీఐ), బ్యాంక్‌ ఆఫ్‌ బరోడా (బీవోబీ)లతో కలిసి ఐఆర్సీటీసీ ఇదే తరహా కో – బ్రాండెడ్‌ కార్డులను యూజర్లకు అందుబాటులోకి తెచ్చింది.

ఐఆర్సీటీసీ హెచ్డీఎఫ్సీ బ్యాంక్‌ క్రెడిట్‌ కార్డు (IRCTC HDFC Bank Credit Card) బెనిఫిట్లు, కీలక ఫీచర్లు ఇవే:

• కార్డు జారీ చేసిన 30 రోజుల్లో యాక్టివేషన్‌ చేసుకుంటే రూ.500 విలువ గల అమెజాన్‌ ఓచర్‌ వెల్‌కం బెనిఫిట్‌.

• www.irctc.co.in వెబ్‌సైట్‌లో టికెట్ల బుకింగ్‌ సమయంలో ప్రతి రూ.100 ఖర్చుపై ఐదు రివార్డు పాయింట్లు.

• హెచ్డీఎఫ్సీ స్మార్ట్‌ బై (Smart Buy) ద్వారా టికెట్ల బుకింగ్‌పై ఐదు శాతం క్యాష్‌బ్యాక్‌ ఆఫర్‌.

• ప్రతి రూ.100ఖర్చుపై ఒక రివార్డు పాయింట్‌ (ఈఎంఐ, ఫ్యూయల్‌, వాలెట్‌ రీలోడ్‌ ట్రాన్సాక్షన్స్‌, అద్దె చెల్లింపులు, ప్రభుత్వ ఆధారిత లావాదేవీలకు వర్తించదు).

• ఏటా ఎనిమిది సార్లు కాంప్లిమెంటరీ ఐఆర్సీటీసీ రైల్వే లాంజ్‌ వసతి.

• ఏసీ టికెట్‌ బుకింగ్స్‌పై అదనపు రివార్డు పాయింట్లు.

• కార్డు జారీ చేసిన 30 రోజుల్లో యాక్టివేషన్‌ చేసుకుంటే రూ.500 వెల్‌కం గిఫ్ట్‌ ఓచర్‌. కార్డు జారీ అయిన మూడు నెలల్లో రూ.30 వేలు ఖర్చు చేస్తే మరో రూ.500 విలువైన గిఫ్ట్‌ ఓచర్‌.

• ఐఆర్సీటీసీ వెబ్‌సైట్‌, యాప్‌ ద్వారా జరిపే లావాదేవీలపై ఒకశాతం లావాదేవీ చార్జీ మాఫీ.