61 వేల పైకి సెన్సెక్స్‌

దేశీయ స్టాక్‌ మార్కెట్లు వరుసగా రెండోరోజు లాభాల్లో ముగిశాయి. బ్లూచిప్‌ సంస్థలైన హెచ్‌డీఎఫ్‌సీ ధ్వయం, విదేశీ పెట్టుబడిదారులు భారీగా నిధులు కుమ్మరించడంతో దేశీయ ప్రధాన సూచీ సెన్సెక్స్‌ తిరిగి 61 వేల మార్క్‌ను అధిగమించింది.

ముంబై, జనవరి 18: దేశీయ స్టాక్‌ మార్కెట్లు వరుసగా రెండోరోజు లాభాల్లో ముగిశాయి. బ్లూచిప్‌ సంస్థలైన హెచ్‌డీఎఫ్‌సీ ధ్వయం, విదేశీ పెట్టుబడిదారులు భారీగా నిధులు కుమ్మరించడంతో దేశీయ ప్రధాన సూచీ సెన్సెక్స్‌ తిరిగి 61 వేల మార్క్‌ను అధిగమించింది. రూపాయి బలపడటంతోపాటు అంతర్జాతీయ మార్కెట్ల నుంచి వచ్చిన సానుకూల అంశాలు మార్కెట్లకు ఊతమిచ్చాయి. దీంతో 30 షేర్ల ఇండెక్స్‌ సూచీ సెన్సెక్స్‌ 390.02 పాయింట్లు ఎగబాకి 61,045.74 వద్దకు చేరుకోగా, ఎన్‌ఎస్‌ఈ నిఫ్టీ 112 పాయింట్లు అందుకొని 18,165.35 వద్ద స్థిరపడింది.

• టాటా స్టీల్‌, ఎల్‌అండ్‌టీ, విప్రో, హెచ్‌డీఎఫ్‌సీ బ్యాంక్‌, హెచ్‌డీఎఫ్‌సీ, భారతీ ఎయిర్‌టెల్‌, ఎన్‌టీపీసీలు ఒక్క శాతానికి పైగా లాభపడ్డాయి.
• అలాగే హెచ్‌యూఎల్‌, ఐటీసీ, యాక్సిస్‌ బ్యాంక్‌, సన్‌ఫార్మా, టైటాన్‌, ఐసీఐసీఐ బ్యాంక్‌, పవర్‌గ్రిడ్‌, టీసీఎస్‌, ఇన్ఫోసిస్‌, మారుతి, హెచ్‌సీఎల్‌, టెక్‌ మహీంద్రా, కొటక్‌ బ్యాంక్‌, మహీంద్రా అండ్‌ మహీంద్రాలు లాభాల్లో ముగిశాయి.
• టాటా మోటర్స్‌తోపాటు అల్ట్రాటెక్‌ సిమెంట్‌, నెస్లె, బజాజ్‌ ఫిన్‌సర్వ్‌, ఎస్బీఐ, రిలయన్స్‌ షేర్లు నష్టపోయాయి.
• బీఎస్‌ఈ మిడ్‌క్యాప్‌, స్మాల్‌ క్యాప్‌ ఇండెక్స్‌లు స్వల్పంగా పెరిగాయి.
• రంగాలవారీగా చూస్తే మెటల్‌, క్యాపిటల్‌ గూడ్స్‌, ఇండస్ట్రియల్స్‌, టెలికమ్యూనికేషన్స్‌, కన్జ్యూమర్‌ డ్యూరబుల్‌, కమోడిటీ, ఆర్థిక సేవల రంగ షేర్లు లాభాల్లో ముగిశాయి.
• యుటిలిటీ, వాహన, పవర్‌, రియల్టీ రంగ షేర్లు పతనం చెందాయి.
• బ్యారెల్‌ క్రూడాయిల్‌ ధర 1.11 శాతం పెరిగి 86.87 డాలర్లు పలికింది.
• డాలర్‌తో పోలిస్తే రూపాయి మారకం విలువ 44 పైసలు ఎగబాకి 81.25 వద్ద ముగిసింది.