Unwanted Hair | అవాంఛిత రోమాలతో ఇబ్బంది పడుతున్నారా? ఈ టిప్స్‌ ఫాలో అవ్వండి

Unwanted Hair | చాలామంది మహిళల్ని వేధించే సమస్య అవాంఛిత రోమాలు. వీటివల్ల ముఖం అందవికారంగా కనిపిస్తుంది. ముఖంపై అక్కడక్కడా ఈ రోమాలు వయసు పెరుగుతున్న కొద్దీ పెరుగుతాయి. వైద్య పరిభాషలో వీటిని ‘హిర్సుటిస్మ్‌' అంటారు.

Unwanted Hair | చాలామంది మహిళల్ని వేధించే సమస్య అవాంఛిత రోమాలు. వీటివల్ల ముఖం అందవికారంగా కనిపిస్తుంది. ముఖంపై అక్కడక్కడా ఈ రోమాలు వయసు పెరుగుతున్న కొద్దీ పెరుగుతాయి. వైద్య పరిభాషలో వీటిని ‘హిర్సుటిస్మ్‌’ అంటారు. వీటిని అరికట్టాలన్నా ,పూర్తిగా తొలగించుకోవాలన్నా ఈ చిన్న చిట్కాలు పాటిస్తే చాలు.

♦ పాలలో పసుపు వేసి బాగా కలపాలి. ఈ మిశ్రమాన్ని అవాంఛిత రోమాలు ఉన్న చోట పట్టించి 20 నిమిషాల తర్వాత వేడి నీటితో కడిగితే రోమాలన్నీ తొలగిపోతాయి.

♦  ఓ అరటిపండు గుజ్జు, 2 చెంచాల ఓట్‌ మీల్‌ కలిపి ఈ మిశ్రమాన్ని ముఖానికి పట్టించాలి. కొద్దిసేపు ముఖానికి మర్దన చేయాలి.

♦ నువ్వుల నూనె లేదా వేరుశనగ నూనెను అవాంఛిత రోమాల మీద రాసి మర్దన చేయాలి. ఆ తర్వాత మెత్తని శనగపిండిని రాసి నలుగు పెట్టాలి. వారానికి ఒకటి రెండు సార్లు ఇలా చేస్తే అవాంఛిత రోమాలు తొలిగిపోతాయి.

♦ స్నానం చేసేటప్పుడు ముఖానికి పసుపు రాసుకొని రుద్ది కడుగుతుంటే ఈ అవాంఛిత రోమాల బెడద తగ్గుతుంది. గుడ్డు తెల్లసొనలో చెంచా మొక్కజొన్న పొడి కలిపి ముఖానికి రాసి ఆరనిచ్చి నీటితో కడిగితే అవాంఛిత రోమాలు త్వరగా తొలగిపోతాయి.

♦ శనగపిండి, పసుపును సమపాళ్లలో కలిపి ముఖానికి పట్టించి తర్వాత నీటితో కడిగితే రోమాల పెరుగుదలను నియంత్రించవచ్చు.

♦ ఆహారంలో ఫైటో ఈస్ట్రోజన్స్‌ ఉండేలా చూసుకుంటే హార్మోన్ల సమస్యే రాదు. ఆహారంలో అవిశగింజలు, సోయా, నువ్వులు, పొద్దు తిరుగుడు గింజలు, వెల్లుల్లి, ఎండు ఖర్జూర వంటివి ఉండేలా చూసుకోవాలి.

 

Read More :

lip care | వాచిన పెదాలతో ఇబ్బంది పడుతున్నారా? ఇలా చేసి చూడండి”

Wrinkles | చ‌ర్మంపై ముడ‌త‌లు త‌గ్గాలా? నిమ్మ‌కాయ‌తో ఇలా చేస్తే స‌రి!!”