Wrinkles | చ‌ర్మంపై ముడ‌త‌లు త‌గ్గాలా? నిమ్మ‌కాయ‌తో ఇలా చేస్తే స‌రి!!

Beauty Tips for Wrinkles | చర్మంపై ముడతల వల్ల వయసు ముదిరినట్టు కనిపిస్తుంది. నిగారింపు పోతుంది. ఒత్తిడి, కాలుష్యం వంటివి కూడా ముడతలకు ఓ కారణమే. అర్థంలేని ప్రయోగాలతో ఉన్న అందాన్ని పాడుచేసుకోకుండా సురక్షితమైన నిమ్మ చిట్కాలతో సమస్యను పరిష్కరించుకోవచ్చు.

Beauty Tips for Wrinkles | చర్మంపై ముడతల వల్ల వయసు ముదిరినట్టు కనిపిస్తుంది. నిగారింపు పోతుంది. ఒత్తిడి, కాలుష్యం వంటివి కూడా ముడతలకు ఓ కారణమే. అర్థంలేని ప్రయోగాలతో ఉన్న అందాన్ని పాడుచేసుకోకుండా సురక్షితమైన నిమ్మ చిట్కాలతో సమస్యను పరిష్కరించుకోవచ్చు.

నిమ్మ-ఆలివ్‌ నూనె: ఒక టేబుల్‌ స్పూన్‌ నిమ్మరసం, ఒక టీస్పూన్‌ ఆలివ్‌ ఆయిల్‌ తీసుకోవాలి. బాగా కలిపిన తర్వాత దాన్ని నుదుటిపై, కళ్ల కింద రాసుకోవాలి. పది నిమిషాల తర్వాత చల్లని నీటితో శుభ్రం చేసుకోవాలి. దీంతో నిగనిగలాడే చర్మం మీ సొంతం. ఆలివ్‌ ఆయిల్‌కు బదులుగా ఆల్మండ్‌ ఆయిల్‌ చేర్చుకోవచ్చు.

నిమ్మ-తేనె: ఒక టేబుల్‌ స్పూన్‌ నిమ్మరసం, ఒక టీస్పూన్‌ తేనె తీసుకోవాలి. ఈ మిశ్రమాన్ని బాగా కలిపి ముఖానికి, మెడకు రాసుకోవాలి. పది నిమిషాల తర్వాత చల్లటి నీటితో కడిగేయాలి. వారానికి రెండు మూడు సార్లు ఇలా చేస్తే ఫలితం ఉంటుంది.

నిమ్మ- చక్కెర: రెండు టేబుల్‌ స్పూన్ల నిమ్మరసం, ఒక టేబుల్‌ స్పూన్‌ చక్కెర తీసుకోవాలి. ఒక గిన్నెలో ఆ మిశ్రమాన్ని బాగా కలపాలి. రెండు మూడు నిమిషాల పాటు ముఖంపై సున్నితంగా రుద్దాలి. పదిహేను నిమిషాల పాటు అలానే ఉంచి, ఆ తర్వాత గోరువెచ్చటి నీటితో శుభ్రం చేసుకోవాలి. వారానికి మూడుసార్లు ఇలా చేస్తే సరిపోతుంది.

నిమ్మ-పెరుగు: ఒక టీస్పూన్‌ నిమ్మరసం, ఒక టీస్పూన్‌ పెరుగు తీసుకుని.. ఒక గిన్నెలో బాగా కలపాలి. ముఖంపై కొద్ది నిమిషాల పాటు మసాజ్‌ చేయాలి. దాదాపు 30 నిమిషాల పాటు అలాగే ఉండనివ్వాలి. తర్వాత కాచి చల్లార్చిన నీటితో కడుక్కోవాలి. రోజుకు మూడుసార్లు ఇలా చేస్తే ముడతలు మటుమాయం.

Read More :

“Health tips | నారింజ పండు తొక్కతో ఇన్ని లాభాలున్నాయా..? ఈ విషయాలు తెలిస్తే అస్సలు పడేయరు!”