Eye Brows | కనుబొమలు ఒత్తుగా కావాలంటే ఇలా చేయండి

Eye Brows | ఇంతకుముందు కనుబొమలు పెన్సిల్‌తో గీత గీసినట్టు సన్నగా ఉండాలని కోరుకునేవారు. కానీ ఇప్పుడు ఒత్తయిన కనుబొమలు, కనురెప్పలే ఫ్యాషన్‌. దానికోసం రకరకాల బ్యూటీ ప్రొడక్ట్స్‌ మీద ఆధారపడుతున్నారు అతివలు. వయసు పెరిగే కొద్దీ కనుబొమలూ, రెప్పలూ పల్చబడతాయి. పోషకాహారం సరిగా అందకపోవడం, హార్మోన్ల అసమతుల్యత, సరైన సంరక్షణ లేకపోవడం, థైరాయిడ్‌ తదితర సమస్యలు యువతుల్లో కూడా కనుబొమలు పల్చబడటానికి కారణం అవుతున్నాయి. ఈ ఇబ్బందుల్ని అధిగమించేందుకు ఆముదం చక్కటి పరిష్కారమని చెబుతున్నారు ఆయుర్వేద నిపుణులు. మందపాటి కనుబొమలు, రెప్పల కోసం ఆముదాన్ని ఎలా వాడాలో కూడా సూచనలిస్తున్నారు.

› ఐబ్రోస్‌ను సరిచేసుకోవడానికి వాడే స్పూలీ బ్రష్‌ను ఆముదంలో ముంచి కనుబొమలకు సమంగా అంటేలా ఆముదాన్ని రాయాలి. అదే బ్రష్‌తో మస్కరా పెట్టుకున్నట్టు పైన ఇంకా కింది కనురెప్పలకు నెమ్మదిగా ఆముదాన్ని పూయాలి. అలా రాత్రంతా ఉంచుకొని తెల్లవారి లేచాక కడిగేయాలి. ఇలా క్రమం తప్పకుండా చేయడం వల్ల ఒత్తయిన కనుబొమలు, రెప్పలు సొంతమవుతాయి.

Read More :

“Eye Lashes | క‌నురెప్ప‌ల‌ను ఇలా మీకు న‌చ్చిన‌ట్లు మార్చేయండి”

“Toenails changing colour | కాలిగోళ్లు రంగు మారుతున్నాయా? జాగ్ర‌త్త‌.. ఇదే కార‌ణం కావొచ్చు?”