కనిపించే దేవుడు కేసీఆర్‌

‘పాండురంగ దేవుడు పైన ఉన్నాడు. కానీ కనిపించే దేవుడు కేసీఆర్‌ మనందరి ముందర ఉన్నారు. ప్రజలకు అండగా ఉంటున్నరు..’ అని ముథోల్‌ నియోజకవర్గ బీఆర్‌ఎస్‌ అభ్యర్థి, ఎమ్మెల్యే గడ్డిగారి విఠల్‌ రెడ్డి అన్నారు.

• రాష్ట్రంలో అభివృద్ధి, సంక్షేమ పథకాలు అమలు చేసి చూపించారు
• పేద ప్రజలకు అండగా బీఆర్‌ఎస్‌
• ప్రజా ఆశీర్వాద సభలో ముథోల్‌ నియోజకవర్గ అభ్యర్థి, ఎమ్మెల్యే విఠల్‌ రెడ్డి

భైంసా, నవంబర్‌ 3 : ‘పాండురంగ దేవుడు పైన ఉన్నాడు. కానీ కనిపించే దేవుడు కేసీఆర్‌ మనందరి ముందర ఉన్నారు. ప్రజలకు అండగా ఉంటున్నరు..’ అని ముథోల్‌ నియోజకవర్గ బీఆర్‌ఎస్‌ అభ్యర్థి, ఎమ్మెల్యే గడ్డిగారి విఠల్‌ రెడ్డి అన్నారు. భైంసా పట్టణంలోని బైపాస్‌ రోడ్డు సమీపంలో శుక్రవారం ప్రజా ఆశీర్వాద సభ నిర్వహించారు. ఈ సందర్భంగా ఆయన మాట్లాడారు. కాంగ్రెస్‌ పార్టీ 60 ఏండ్లలో చేయలేని సంక్షేమం, అభివృద్ధి సీఎం కేసీఆర్‌ చేసి చూపించారన్నారు.

కాంగ్రెస్‌, బీజేపీ మాయమాటలకు లొంగకుండా సంక్షేమ పథకాలు, అభివృద్ధిని చూడాలని ప్రజలకు సూచించారు. అధికార దాహంతో ఆరు గ్యారంటీల పేరుతో కాంగ్రెస్‌ నాయకులు వస్తున్నారని ఆరోపించారు. దేశం గర్వించే రీతిలో తెలంగాణ అభివృద్ధి చెందుతున్నదని గుర్తుచేశారు. మరోసారి కేసీఆర్‌ను సీఎం చేయాలని కోరారు. అలాగే ముథోల్‌ నియోజకవర్గంలో రెసిడెన్షియల్‌ స్కూల్‌, బాలికల రెసిడెన్షియల్‌ ఏర్పాటు చేయాలని, అలాగే గుండేగాం ముంపు గ్రామానికి రూ.90 కోట్ల జీవో విడుదలైందని, వెంటనే రిలీజ్‌ చేయాలని, 28 ప్యాకేజీ పనులు ఆగిపోయాయని, టెండరు పిలిచి మిగితా పనులు చేయాలని సీఎం కేసీఆర్‌ను కోరారు.

సిరాల ప్రాజెక్టు పంట నష్టమైతే రూ.11 కోట్లు అంచనా వేశామని, 8 చిన్న ప్రాజెక్టులకు నిధులు మంజూరు చేయాలన్నారు. రూ. 20 కోట్లతో గడ్డెన్నవాగు ప్రాజెక్టు లైనింగ్‌ పనులు పూర్తి చేశామని, ఇంకా కొంత లైనింగ్‌ చేస్తే సాగునీరు అందుతుందని పేర్కొన్నారు. బాసర ఆలయాభివృద్ధికి రూ.50 కోట్లు మంజూరు చేశారని, ఇంకా రూ.100 కోట్లు మంజూరు చేయాలని కోరారు. గృహలక్ష్మి కింద నియోజకవర్గానికి 3 వేల ఇండ్లు మంజూరయ్యాయని, మరో 2 వేల ఇండ్లు మంజూరుచేయాలన్నారు. ఎస్టీ గిరి వికాస్‌ గృహాలు మంజూరు చేయాలని, భైంసాలో ఐఐటీ కాలేజీ ఏర్పాటు చేయాలని కోరారు.

మహారాష్ట్రకు చెందిన ఎస్టీలు 30 ఏండ్ల నుంచి తెలంగాణలో ఉంటున్నారని, వారికి ఎస్టీ సర్టిఫికెటుల ఇవ్వాలన్నారు. ఈ ఆశీర్వాద సభలో మాజీ ఎంపీ జీ నగేశ్‌, ఎమ్మెల్సీ మధుసూదన్‌ చారి, రాజ్యసభ సభ్యుడు దామోదర్‌ రావు, మాజీ ఎమ్మెల్సీ పురాణం సతీశ్‌, పడకంటి రమాదేవి, విలాస్‌ గాదేవార్‌, మురళి గౌడ్‌, బామ్ని రాజన్న, కొత్తపల్లి బుచ్చన్న, తూము రాజేశ్వర్‌, అనిల్‌, పిప్పెర కృష్ణ, తోట రాము, ఫారూఖ్‌, ఎజాజ్‌ హైమద్‌, ఆళా తదితరులు పాల్గొన్నారు.

భైంసా కేసీఆర్‌ సభ సైడ్‌లైట్స్‌

• బాసర, నవంబర్‌ 3 : మధ్యాహ్నం 2:20 సభ జరుగుతున్న ప్రదేశం చుట్టూ హెలికాప్టర్‌తో రౌండ్‌ వేసిన సీఎం కేసీఆర్‌
• 2:23 హెలిక్యాప్టర్‌ ల్యాండింగ్‌
• 2 :25 ఎమ్మెల్యే విఠల్‌రెడ్డి పుష్పగుచ్ఛంతో సీఎం కేసీఆర్‌కు స్వాగతం.
• 2:25 నుంచి 2:30 హెలిప్యాడ్‌ నుంచి సీఎం కేసీఆర్‌ బస్సులో సభా స్థలి వద్దకు రాక
• 2:34 బస్సులో నుంచి సీఎం కేసీఆర్‌, మాజీ స్పీకర్‌ మధుసూదనా చారి, రాజ్యసభ సభ్యుడు, నమస్తే తెలంగాణ సీఎండీ దామోదర్‌రావు, మంత్రి ఐకేరెడ్డి, విఠల్‌రెడ్డితో కలిసి స్టేజీ పైకి రాక.
• 2:34 నుంచి 2:36 వరకు సభా స్థలి నుంచి స్టేజీపై నాయకులకు, ప్రజలకు సీఎం కేసీఆర్‌ అభివాదం
• 2:36 నుంచి 2:38 మధ్య సీఎం కేసీఆర్‌కు దట్టి కట్టిన భైంసా మైనార్టీ నాయకులు ఎజాజ్‌, సరస్వతీ అమ్మవారి ప్రతిమను అందజేసిన బాసర సర్పంచ్‌ లక్ష్మణ్‌రావు, తదితర నాయకులు
• 2:38 నుంచి 2:47 వరకు ముథోల్‌ నియోజకవర్గ ఎమ్మెల్యే అభ్యర్థి, ఎమ్మెల్యే విఠల్‌రెడ్డి ప్రసంగం..
• 2:47 నుంచి 2:48 వరకు మంత్రి ఐకేరెడ్డి సీఎం కేసీఆర్‌ను ప్రసంగించాల్సిందిగా ఆహ్వానం.
• 2:48కి ముఖ్యమంత్రి కేసీఆర్‌ సభను ఉద్దేశించి ప్రసంగం ప్రారంభం
• 3:15కు సీఎం కేసీఆర్‌ ప్రసంగం ముగింపు
• 3:16కు ఇటీవల బీజేపీ నంచి బీఆర్‌ఎస్‌లో చేరిన నాయకురాలు రమాదేవి కేసీఆర్‌కు చిత్రపటం అందజేత
• 3:17 కేసీఆర్‌కు గులాబీ రంగు పగడ ధరింపజేసిన కిర్గుల్‌ సర్పంచ్‌ సుధాకర్‌రెడ్డి, తదితర నాయకులు
• 3:17 సభా స్థలి నుంచి బస్సులోకి కేసీఆర్‌
• 3:18 నుంచి బస్సులో కేసీఆర్‌
• 3:20 హెలిప్యాడ్‌కు చేరిన కేసీఆర్‌
• 3:24కు హెలిక్యాప్టర్‌లో బైంసా నుంచి ఆర్మూర్‌ సభా స్థలికి ప్రయాణం