తెలంగాణతో కయ్యానికి కాలు దువ్వొద్దు

• ధాన్యం కొనేదాకా పోరాటం
• ఏఎంసీ, పీఏసీఎస్‌ ప్రత్యక సమావేశాల్లో తీర్మానాలు
• కేంద్ర ప్రభుత్వ వైఖరిపై నాయకుల మండిపాటు
• కుభీర్‌, మార్చి 29 : కేంద్ర ప్రభుత్వం రాష్ట్ర బీజేపీ నాయకుల మాటలను నమ్మి కయ్యానికి కాలు దువ్వొద్దని రాష్ట్ర మార్క్‌ఫెడ్‌ డైరెక్టర్‌ రేకుల గంగాచరణ్‌ హెచ్చరించారు. మంగళవారం మండల కేంద్రంలోని వ్యవసాయ సహకార పరపతి సంఘం, వ్యవసాయ మార్కెట్‌ కమిటీల చైర్మన్లు గంగాచరణ్‌, కందూర్‌ సంతోష్‌ అధ్యక్షత న జరిగిన పాలకవర్గ అత్యవసర సమావేశాల్లో వరిధాన్యాన్ని కేంద్ర ప్రభుత్వం కొనుగోలు చేయాలని కోరుతూ సభ్యులు ఏకగ్రీవ తీర్మానాలు చేశారు. వాటి ప్రతులను కేంద్రంలోని మోదీ సర్కారుకు పంపించినట్లు వారు తెలిపారు. స్థానిక సర్పంచ్‌ మీరా విజయ్‌, వైస్‌ ఎంపీపీ మొహి యొద్దీన్‌, వైస్‌ చైర్మన్లు మెంచు రమేశ్‌, కదం దిగంబర్‌పటేల్‌, డైరెక్టర్లు లింగన్న, భూమన్న, సంతోష్‌రెడ్డి నాయకులు పాల్గొన్నారు.

కేంద్రం వివక్ష వీడాలి

నిర్మల్‌ టౌన్‌, మార్చి 29 : వడ్లు పండించిన రైతులపై కేంద్రం వివక్ష వీడాలని నిర్మల్‌ మార్కెట్‌ కమిటీ చైర్‌పర్సన్‌ నర్మదా ముత్యంరెడ్డి పేర్కొ న్నారు. మార్కెట్‌ కమిటీ కార్యాలయంలో మంగళ వారం కేంద్రం ధాన్యం కొనుగోలు చేయాలని తీర్మానం చేశారు. రైతాంగాన్ని ఆదుకోవాల్సిన కేంద్ర ప్రభు త్వం వరిధాన్యంపై కొర్రీలు పెట్టడం సమంజసం కాదన్నారు. వైస్‌ చైర్మన్‌ సురేందర్‌, డైరెక్టర్లు గంగా రాం, కైలాస్‌, కిమ్యానాయక్‌, రాథోడ్‌ రమేశ్‌, కొమ్ము గంగాధర్‌ పాల్గొన్నారు.

మంజులాపూర్‌లో..

సోన్‌, మార్చి 29 : కేంద్రం వరి ధాన్యం కొనుగోలు చేయాలని మంజులాపూర్‌ పీఏసీఎస్‌ కార్యాలయంలో అత్యవసర సమావేశంలో తీర్మా నం చేశారు. ఆ కాపీని కేంద్ర ప్రభుత్వానికి పంపి స్తామని పీఏసీఎస్‌ చైర్మన్‌ అంపోలి కృష్ణప్రసాద్‌ రెడ్డి పేర్కొన్నారు. వరిధాన్యాన్ని కేంద్ర ప్రభుత్వం కొనుగోలు చేయాలని కోరారు. వైస్‌ చైర్మన్‌ సాద విజయ్‌, డైరెక్టర్లు బర్మదాస్‌, మధుకర్‌రెడ్డి, తదితరులున్నారు.