స్లిమ్‌గా..స్ల్తెలిష్‌గా..

ఒకప్పుడు కేవలం కాల్స్‌ చేయడానికి, మెసేజ్‌లు పంపడం కోసమే ఫోన్‌ వాడేవాళ్లం. ఇప్పుడు.. అదే ఫోన్‌ కంటెంట్‌ సృష్టిస్తున్నది. మన పనులన్నీ చకచకా చేసేస్తున్నది. మన రోజువారీ జీవితాన్ని ప్రపంచంతో ముడివేస్తున్నది. ఆర్టిఫీషియల్‌ ఇంటెలిజెన్సీ రాకతో ఈ బంధం మరింత బలపడింది. ఈ క్రమంలో సామ్‌సంగ్‌ తీసుకొస్తున్న గెలాక్సీ ఎస్‌25 ఎడ్జ్‌ ‘ఫోన్‌ అంటే ఇది’ అనిపించేలా చేస్తున్నది.

ఒకప్పుడు కేవలం కాల్స్‌ చేయడానికి, మెసేజ్‌లు పంపడం కోసమే ఫోన్‌ వాడేవాళ్లం. ఇప్పుడు.. అదే ఫోన్‌ కంటెంట్‌ సృష్టిస్తున్నది. మన పనులన్నీ చకచకా చేసేస్తున్నది. మన రోజువారీ జీవితాన్ని ప్రపంచంతో ముడివేస్తున్నది. ఆర్టిఫీషియల్‌ ఇంటెలిజెన్సీ రాకతో ఈ బంధం మరింత బలపడింది. ఈ క్రమంలో సామ్‌సంగ్‌ తీసుకొస్తున్న గెలాక్సీ ఎస్‌25 ఎడ్జ్‌ ‘ఫోన్‌ అంటే ఇది’ అనిపించేలా చేస్తున్నది. సరికొత్త ఏఐ ఇముడ్చుకున్న ఈ స్మార్ట్‌ఫోన్‌.. వ్యక్తిగత సహాయకుడిగా మారిపోతున్నది. ఇక డిజైనింగ్‌ విషయానికి వస్తే స్లిమ్‌లుక్‌తో ైస్టెలిష్‌గా కనువిందు చేస్తున్నది.

ఈ ఫోన్‌ మందం కేవలం 5.85 మిల్లీమీటర్లు మాత్రమే. ఇందులో చెప్పుకోదగిన మరో అప్‌డేట్‌.. 200 మెగాపిక్సెల్‌ కెమెరా! గెలాక్సీ ఏఐ సాయంతో ఈ కెమెరా ప్రతి దృశ్యాన్ని అద్భుతంగా మార్చేయగలదు. మీరు తీసిన ఫొటోలను చక్కని స్టోరీలా మార్చేస్తుంది కూడా! ఏదైనా పెళ్లికి వెళ్లినప్పుడు ఓ పది ఫొటోలు తీశారే అనుకోండి.. వాటన్నిటినీ కలిపి చక్కని స్టోరీ రీల్‌ చేసేస్తుంది.

ఈ కెమెరాతో 8K వీడియోలు తీయొచ్చు. ఇక ఇతర స్పెసిఫికేషన్స్‌ విషయానికొస్తే.. స్లిమ్‌ ఫోన్‌ బరువు 163 గ్రాములు. ఫ్లాట్‌-ఫ్రేమ్‌ డిజైన్‌తో ముస్తాబయ్యింది. స్క్రీన్‌ పొడవు 6.7 అంగుళాలు. అమెలెడ్‌ డిస్‌ప్లే, గొరిల్లా గ్లాస్‌ సెరామిక్‌ 2 ప్రొటెక్షన్‌తో దృఢంగా తయారైంది. స్నాప్‌డ్రాగన్‌ 8 ఎలీట్‌ ప్రాసెసర్‌, 12 జీబీ రామ్‌, 512 జీబీ స్టోరేజీతో ఇతర స్పెసిఫికేషన్లు! 3,900 ఎంఏహెచ్‌ బ్యాటరీ ఉంది. ఫొటోగ్రఫీ లవర్స్‌, టెకీలకు ఇది చక్కని ఎంపిక. దీని అంచనా ధర: రూ.79,999.