అయిదు నిమిషాల ధ్యానంతో

ధ్యానం చేయాలంటే గంటలు గంటలు దానికి కేటాయించాల్సిన పని లేదు. మనం చిటికెలో వృథా చేసే అయిదు నిమిషాల సమయం కూడా ఇందుకు ఉపయోగించుకుంటే ఎంతో మేలుచేస్తుంది. ప్రతి రోజూ 5 నిమిషాలు ప్రశాంతంగా ధ్యానం చేయడం వల్ల మనసుకు, శరీరానికి ఎంతో మేలు జరుగుతుందని నిపుణులు చెబుతున్నారు.

ధ్యానం చేయాలంటే గంటలు గంటలు దానికి కేటాయించాల్సిన పని లేదు. మనం చిటికెలో వృథా చేసే అయిదు నిమిషాల సమయం కూడా ఇందుకు ఉపయోగించుకుంటే ఎంతో మేలుచేస్తుంది. ప్రతి రోజూ 5 నిమిషాలు ప్రశాంతంగా ధ్యానం చేయడం వల్ల మనసుకు, శరీరానికి ఎంతో మేలు జరుగుతుందని నిపుణులు చెబుతున్నారు.

• కొద్ది సేపైనా సరే శ్రద్ధగా చేసే మెడిటేషన్‌ మానసిక ప్రశాంతతను చేకూర్చేందుకు సాయపడుతుంది. మనలోకి మనం చూసుకునేందుకు, బయటి ఒత్తిళ్లను ఒదిలేసి నిశ్చల స్థితికి చేరుకునేందుకు సహకరిస్తుంది. దీనివల్ల ఆందోళనలు తగ్గుతాయి.
• క్రమం తప్పకుండా ధ్యానం చేయడం వల్ల సృజనాత్మక శక్తి పెరుగుతుంది.
• విషయాల పట్ల స్పష్టత అధికమవుతుంది. సరైన, స్పష్టమైన నిర్ణయాలు తీసుకునే శక్తి వస్తుంది.
• ఒత్తిడిని కలిగించే కార్టిసోల్‌ హార్మోన్‌ ఉత్పత్తిని తగ్గించి, ఉత్సాహాన్ని పెంచే సెరటోనిన్‌, డోపమైన్‌లాంటి హార్మోన్ల ఉత్పత్తిని పెంచుతుంది.