Visit:
ప్రస్తుతం చాలామంది పండ్ల ముక్కల్నే ఉదయం బ్రేక్ఫాస్ట్గా తీసుకుంటున్నారు. అనేక ఆరోగ్య ప్రయోజనాలు పొందుతున్నారు. అలాంటివారు అల్పాహారంగా బొప్పాయిని తీసుకుంటే, మరిన్ని ఉపయోగాలు ఉంటాయని నిపుణులు సెలవిస్తున్నారు. ఉదయాన్నే ఖాళీ కడుపుతో బొప్పాయి తీసుకోవడం వల్ల కలిగే లాభాలను వివరిస్తున్నారు.
బొప్పాయిలోని ‘పాపైన్’ అనే ఎంజైమ్.. ప్రొటీన్లను సులభంగా విచ్ఛిన్నం చేస్తుంది. జీర్ణక్రియను వేగవంతం చేస్తుంది. ఉదయాన్నే బొప్పాయిని తినడం వల్ల.. రోజంతా జీర్ణక్రియ సజావుగా సాగుతుంది. ఇక బొప్పాయిలో పీచు పదార్థం, నీటి శాతం అధికం. ఇది పేగుల కదలికలను మెరుగుపరిచి, మలబద్ధకం సమస్యను సహజసిద్ధంగానే తగ్గిస్తుంది.
బొప్పాయిని రెగ్యులర్గా తీసుకుంటే.. గ్యాస్, ఎసిడిటీ వంటి సమస్యలు తగ్గుతాయి. అంతేకాకుండా, బొప్పాయిలో కేలరీలు తక్కువ. ఇది తిన్న తర్వాత కడుపు నిండుగా ఉన్న అనుభూతిని కలిగిస్తుంది. కాబట్టి, బరువు తగ్గాలనుకునే వారికీ మంచి ఎంపిక. ఇందులో ఉండే విటమిన్ సి.. శరీరానికి అవసరమైన రోగనిరోధక శక్తిని అందిస్తుంది. ఇది ఇన్ఫెక్షన్ల బారి నుంచి కాపాడుతుంది.
బొప్పాయిలోని ఫైబర్, పొటాషియం.. రక్తపోటును నియంత్రించడంతోపాటు కొలెస్ట్రాల్ను తగ్గించడంలోనూ ముందుంటాయి. ఫలితంగా, హృదయ సంబంధ సమస్యలు రాకుండా ఉంటాయి. ఇందులోని యాంటి ఆక్సిడెంట్ లక్షణాలు.. చర్మాన్ని మెరిసేలా చేస్తాయి. వృద్ధాప్య ఛాయల్ని అడ్డుకుంటాయి. ఇలా..
బొప్పాయిని అల్పాహారంగా తీసుకుంటే, ఆరోగ్యంతోపాటు అందం కూడా సొంతమవుతుంది.
