రాత్రి ఫలం.. అందానికి ప్రతిఫలం!

ఉదయం లేవగానే ముఖం అందంగా కనిపించాలని కోరుకుంటాం. కానీ నిద్ర లేచి బద్ధకంగా అద్దం దగ్గరికి వెళ్లి చూడగానే.. అందులో ఉంది మనమేనా అన్నట్టుగా ముఖం కనిపిస్తే? రోజంతా డల్‌గానే సాగిపోతుంది. ఏడు గంటలు కులాసాగా నిద్రపోయినా.. అలా పాలిపోయి ఉండటం ఏమిటి? అంటే.. ముందురోజు రాత్రి తీసుకున్న ఆహారంపై మర్నాడు మన ముఖవర్చస్సు ఆధారపడి ఉంటుందట.

ఉదయం లేవగానే ముఖం అందంగా కనిపించాలని కోరుకుంటాం. కానీ నిద్ర లేచి బద్ధకంగా అద్దం దగ్గరికి వెళ్లి చూడగానే.. అందులో ఉంది మనమేనా అన్నట్టుగా ముఖం కనిపిస్తే? రోజంతా డల్‌గానే సాగిపోతుంది. ఏడు గంటలు కులాసాగా నిద్రపోయినా.. అలా పాలిపోయి ఉండటం ఏమిటి? అంటే.. ముందురోజు రాత్రి తీసుకున్న ఆహారంపై మర్నాడు మన ముఖవర్చస్సు ఆధారపడి ఉంటుందట. షుగర్‌ ఫుడ్స్‌, జంక్‌ ఫుడ్స్‌ దిట్టంగా లాగించి నిద్రకు ఉపక్రమిస్తే.. తెల్లారి లేచే సరికి ముఖం బరువుగా కనిపిస్తుంది. ఇది మన చర్మంపై కూడా ప్రభావం చూపుతుంది. కాబట్టి మెరిసే చర్మం కోసం ఆరోగ్యకరమైన ఆహారం అవసరం. ఈసారి నిద్రకు ముందు ఇవి ట్రై చేసి చూడండి.. మార్పు మీరే గమనించండి.

1. అరటిపళ్లు సహజ పోషకాలు. యాంటీ ఆక్సిడెంట్లు, ఖనిజాలు, విటమిన్లు ఇందులో పుష్కలం. నిద్రకు ముందు తీసుకోదగ్గ ఆహారం కూడా! పడుకునే గంటన్నర ముందు ఒకటి లేదా రెండు అరటిపండ్లు నిరభ్యంతరంగా తినొచ్చు. బనానా జీర్ణక్రియను మెరుగుపరుస్తుంది. నిద్రలేవగానే కొత్త శక్తి పుంజుకున్న అనుభూతి కలుగుతుంది. ముఖం తాజాగా ఉంటుంది. జట్టు ఆరోగ్యానికీ ఇది ఉపయోగపడుతుంది.
2. అవకాడో విటమిన్లు, మినరల్స్‌ పవర్‌ హౌస్‌. ఇందులో మెగ్నీషియం, పొటాషియం అధికంగా ఉంటాయి. అవకాడో చర్మాన్ని మెరిసేలా చేస్తుంది. ఇది శరీరంలో ఎనర్జీ లెవల్స్‌ను కూడా పెంచుతుంది. నిద్రకు ముందు రెండుమూడు అవకాడో ముక్కలు తినండి. అరగంట తర్వాత నిద్రలోకి జారుకోండి. ఇలా వారానికి రెండుసార్లు చేస్తే.. నెల తిరక్కుండానే మీ ముఖం మెరిసిపోవడం ఖాయం.
3. నానబెట్టిన గింజలు రాత్రి పడుకునే ముందు తింటే.. నిద్ర బాగా పడుతుంది. ముఖం ముద్దుగా విచ్చుకుంటుంది. బాదంపప్పులో విటమిన్‌ ఇ పుష్కలంగా ఉంటుంది. ఇది వార్ధక్యాన్ని దూరం చేస్తుంది. చర్మంపై మచ్చలను నివారిస్తుంది. అంతేకాదు.. శరీరంలోని సంతోషకరమైన హార్మోన్ల విడుదలను ప్రేరేపిస్తుంది. బాదం, జీడిపప్పు, బెర్రీలు, వాల్‌నట్స్‌ ఓ నాలుగైదు లాగిస్తే.. మర్నాటికి మేలైన అందం మీ సొంతం.