రాష్ట్రంలో సారా దుకాణాలు తెరువాలి

తెలంగాణలో సా రా దుకాణాలు తెరువాలని జడ్చర్ల ఎమ్మెల్యే అనిరుధ్‌రెడ్డి డిమాండ్‌ చేశారు. సోమవారం సచివాలయం ఎదుట మీడియాతో చిట్‌చాట్‌గా మాట్లాడారు.

• అసెంబ్లీ బడ్జెట్‌ సమావేశాల్లో ప్రస్తావిస్తా : అనిరుధ్‌రెడ్డి

హైదరాబాద్‌, మార్చి9 (నమస్తే తెలంగాణ) : తెలంగాణలో సా రా దుకాణాలు తెరువాలని జడ్చర్ల ఎమ్మెల్యే అనిరుధ్‌రెడ్డి డిమాండ్‌ చేశారు. సోమవారం సచివాలయం ఎదుట మీడియాతో చిట్‌చాట్‌గా మాట్లాడారు. గతంలో సారా తాగిన వారు 115 సం వత్సరాల పాటు బతికేవారని, ఇప్పుడు మద్యం తాగి 80 ఏండ్లకే చనిపోతున్నారని పేర్కొన్నారు. శాస్త్రీయంగా సారా ఆరోగ్యానికి హానికరం కాదని, కానీ రాష్ట్రంలో సారా ఎందుకు నిషేధించారో స్పష్టతనివ్వాలని కోరారు. మధ్యప్రదేశ్‌, ఒడిషా రాష్ర్టాల్లో సారా దుకాణాలు న డుపుతున్నారని తెలిపారు. రాష్ట్రంలో సారా దుకాణాల ఏర్పాటు చేసే అంశంపై వచ్చే బడ్జెట్‌ అసెంబ్లీ సమావేశాల్లో జీరో అవర్లో ప్రస్తావిస్తానని అనిరుధ్‌రెడ్డి స్పష్టంచేశారు. అసెంబ్లీ సమావేశాల్లో బాంబు పేలుస్తానంటూ సంచలన వ్యాఖ్యలు చేశారు.