అరచేతిలో రైలు టికెట్‌

రైళ్లలో ప్రయాణించే సాధారణ ప్రయాణికులు జనరల్‌ టికెట్‌ కోసం స్టేషన్‌ బుకింగ్‌ కౌంటర్‌ వద్ద ఇక వేచి చూసే అవసరం లేకుండా రైల్వే అధికారులు సెల్‌ఫోన్‌లో ప్రత్యేక యాప్‌ను రూపొందించారు. యూటీఎస్‌ యాప్‌ను డౌన్‌లోడ్‌ చేసుకుని అనేక రకాల సేవలు పొందవచ్చు.

• క్షణాల్లో సెల్‌ఫోన్‌లో బుకింగ్‌

కాజీపేట, నవంబర్‌ 21 : రైళ్లలో ప్రయాణించే సాధారణ ప్రయాణికులు జనరల్‌ టికెట్‌ కోసం స్టేషన్‌ బుకింగ్‌ కౌంటర్‌ వద్ద ఇక వేచి చూసే అవసరం లేకుండా రైల్వే అధికారులు సెల్‌ఫోన్‌లో ప్రత్యేక యాప్‌ను రూపొందించారు. యూటీఎస్‌ యాప్‌ను డౌన్‌లోడ్‌ చేసుకుని అనేక రకాల సేవలు పొందవచ్చు. సాధారణ ప్రయాణికులు జనరల్‌ టికెట్‌ను క్షణాల్లోనే టికెట్‌ తీసుకుని ప్రయాణం చేయవచ్చు. ఈ యాప్‌లో టికెట్‌ ప్రింట్‌, సెల్‌ ఫోన్‌లో మెసేజ్‌తోనే ప్రయాణించవచ్చని రైల్వే అధికారులు వివరిస్తున్నారు.
సెల్‌ఫోన్‌లో ఇలా చేయాలి..

• ఫోన్‌లో ప్లే స్టోర్‌లోకి వెళ్లి యూటీఎస్‌ యాప్‌ను డౌన్‌లోడ్‌ చేసుకోవాలి. తర్వాత ఆధార్‌, సెల్‌ ఫోన్‌ నంబర్లను నమోదు చేయాలి. రైలులో ఎక్కడి నుంచి ఎక్కడికి వెళ్లాలో ఎంటర్‌ చేస్తే టికెట్‌ ధర సూచిస్తుంది. యాప్‌ ఆర్‌ వాలెట్లో నగదు జమ చేసుకుని టికెట్‌ను పొందవచ్చు.
• యాప్‌ను సెల్‌ఫోన్‌లో డౌన్‌లోడ్‌ చేసుకున్న తర్వాత టికెట్‌ బుక్‌ చేసుకోవాలంటే రైల్వే స్టేషన్‌ లేదా రైలు పట్టాలకు కేవలం 20-30 మీటర్ల దూరంలో ఉంటే సరిపోతుంది.
• ఈ యాప్‌లో సాధారణ, రిజర్వేషన్‌, టికెట్‌ ధరలు, సీట్ల వివరాలును కూడా పరిశీలించుకోవచ్చు.
• సాధారణ టికెట్‌తో పాటుగా రిజర్వేషన్‌, ఫ్లాట్‌ఫారం, సీజన్‌ టికెట్‌ బుక్‌ చేసుకోవచ్చు. దీంతో పాటుగా ఈ యాప్‌లో తిరిగి టికెట్‌ అవసరం లేకుంటే బుకింగ్‌ వాపస్‌ (క్యాన్సిల్‌) చేసుకునే అవకాశం కల్పించారు. దీన్ని ప్రయాణికులు సద్వినియోగం చేసుకోవాలని రైల్వే అధికారులు సూచిస్తున్నారు.