Visit:
హనుమకొండ చౌరస్తా, నవంబర్‌ 30 : ఈ నెల 2న హనుమకొండలోని అంబేద్కర్‌ భవన్‌లో ఉదయం 9.30 నుంచి తెలంగాణ ఆల్‌ పెన్షనర్స్ అండ్‌ రిటైర్డు పర్సన్స్‍అసోసియేషన్‌ హనుమకొండ జిల్లా 7వ మహాసభలలో పెన్షనర్లు అధిక సంఖ్యలో పాల్గొని విజయవంతం చేయాలని జిల్లా అధ్యక్షుడు తూపురాణి సీతారాం పెన్షనర్లకు విజ్ఞప్తి చేశారు. ఆదివారం హనుమకొండ చౌరస్తా విద్యానికేతన్‌ పాఠశాలలో ఆల్‌ పెన్షనర్స్‍అండ్‌ రిటైర్డుపర్సన్స్‍అసోసియేషన్‌ మహాసభ సన్నాహక సమావేశం కలువల చంద్రమౌళి అధ్యక్షతన జరిగింది. ఈ సందర్భంగా సీతారాం మాట్లాడుతూ.. కేంద్ర ప్రభుత్వం పెన్షన్‌ వ్యతిరేక విధానాలు అవలంభిస్తున్నదని, పెన్షనర్లను తరగతులుగా విభజించి పెన్షన్‌ ప్రయోజనాలు ఇక ముందు లేకుండా చేసేలా వ్యాలీడేషన్‌ ఆఫ్‌ పెన్షన్‌ యాక్ట్‍ను దొడ్డిదారిన పార్లమెంటు బడ్జెట్‌ సమావేశాలలో ఎవరికీ తెలియకుండా బిల్లు ఆమోదింపజేసుకొని చట్టం చేశారన్నారు.
ఇది పెన్షనర్ల ప్రయోజనాలకు గొడ్డలి దెబ్బ అని మండిపడ్డారు. జిల్లా మహాసభలో పెన్షన్‌ భద్రత-ప్రభుత్వాల తీరుతెన్నులు, మన కర్తవ్యం గురించి వక్త సీఐటీయూ రాష్ర్ట ఉపాధ్యక్షులు ఎస్.వీరయ్య విశ్లేషణాత్మక సందేశం ఇస్తారన్నారని, ఎమ్మెల్యే నాయిని రాజేందర్‌రెడ్డి, కలెక్టర్‌, డీటీవో, డాక్టర్లు కంచర్ల సుధీర్‌, శరత్‌, టాప్రా అధ్యక్ష, ప్రధానకార్యదర్శులు హాజరవుతారని తెలిపారు. అనంతరం జిల్లా ఎన్నికలు ఉంటాయని చెప్పారు. ఈ సమావేశంలో జిల్లా ప్రధాన కార్యదర్శి నారాయణగిరి వీరన్న, ఆకుతోట మహేందర్‌, పోశాల కుమారస్వామి పాల్గొన్నారు
