బోనమో పోచమ్మ

ఉమ్మడి జిల్లావ్యాప్తంగా ఆదివారం పల్లె, పట్టణం బోనమెత్తింది. మహిళలు భక్తిశ్రద్ధలతో ఊరేగింపుగా వచ్చి పోచమ్మకు బోనాలు సమర్పించారు. పలుచోట్ల ముత్యాలమ్మ, మైసమ్మ, పెద్దమ్మ, రేణుకా ఎల్లమ్మలకు పూజలు చేశారు. బోనంతో పాటు పసుపు, కుంకుమ, చీరెలను అమ్మవార్లకు సమర్పించి మొక్కులు చెల్లించుకున్నారు.

• పోచమ్మ, ముత్యాలమ్మ, మైసమ్మ, పెద్దమ్మలకు సమర్పణ
• ఆకట్టుకున్న శివసత్తుల పూనకాలు, పోతరాజుల విన్యాసాలు
• శ్రావణ మాస బోనాలతో సందడిగా పల్లెలు

ఉమ్మడి జిల్లావ్యాప్తంగా ఆదివారం పల్లె, పట్టణం బోనమెత్తింది. మహిళలు భక్తిశ్రద్ధలతో ఊరేగింపుగా వచ్చి పోచమ్మకు బోనాలు సమర్పించారు. పలుచోట్ల ముత్యాలమ్మ, మైసమ్మ, పెద్దమ్మ, రేణుకా ఎల్లమ్మలకు పూజలు చేశారు. బోనంతో పాటు పసుపు, కుంకుమ, చీరెలను అమ్మవార్లకు సమర్పించి మొక్కులు చెల్లించుకున్నారు.

ఈ సందర్భంగా శివసత్తుల పూనకాలు, పోతరాజుల విన్యాసాలు, డప్పుచప్పుళ్లు, నృ త్యాలు అందరినీ ఆకట్టుకున్నాయి. గోవిందరావుపేట గ్రామంలోని పోచమ్మ గుడిలో మంత్రి సీతక్క పూజలు చేశారు. దర్దేపల్లిలో మాజీ మంత్రి ఎర్రబెల్లి దయాకర్‌రావు దండమ్మె తల్లికి బోనం సమర్పించారు. – నమస్తే నెట్‌వర్క్‌, ఆగస్టు 11