ACB Raid | లంచం తీసుకుంటూ ఏసీబీకి చిక్కిన ఎంపీడీవో.. సంబరాలు చేసుకున్న స్థానికులు

ACB Raid | మహబూబాబాద్‌ జిల్లా నర్సిములపేట మండలానికి చెందిన ఎంపీడీవో రాధిక , ఆమె కుమారుడు నాగార్జున, ఎంపీవో యాకయ్యపై ఏసీబీ అధికారులు కేసు నమోదు చేసి అరెస్టు చేశారు.

మహబూబాబాద్‌ : భూమి లేఅవుట్ అభివృద్ధి పనులకు లంచం తీసుకున్న ముగ్గురిని ఏసీబీ ( ACB ) అధికారులు రెడ్‌ హ్యండెడ్‌గా పట్టుకున్నారు. మహబూబాబాద్‌ జిల్లా నర్సిములపేట మండలానికి చెందిన ఎంపీడీవో రాధిక ( MPDO Radhika ), ఆమె కుమారుడు నాగార్జున, ఎంపీవో యాకయ్య ( MPO Yakaiah ) పై కేసు నమోదు చేసి అరెస్టు చేశారు.

వివరాలు.. మండలంలోని పద్మావతిగూడెం గ్రామంలో లేఅవుట్‌కు సంబంధించిన భూమిని గ్రామ పంచాయతీ వద్ద తాకట్టు పెట్టేలా పంచాయతీ సచివాలయానికి ఆదేశాలు జారీ చేయాలని కోరుతూ బాధితుడు ఎంపీడీవో రాధికను, ఎంపీవో యాకయ్యను సంప్రదించాడు. దీంతో వారు లంచం డిమాండ్‌ చేయడంతో శుక్రవారం ఎంపీడీవో కుమారుడు నాగార్జునకు మొత్తం 45 వేల రూపాయలు అందజేశాడు.