మూతపడిన ఇందిరా క్యాంటీన్
కాంగ్రెస్ సర్కారు ప్రతిష్టాత్మకంగా చేపట్టిన ఇందిరా మహిళా శక్తి క్యాంటీన్లు మూతపడుతున్నాయి. మహబూబాబాద్ జిల్లా తొర్రూరులో ప్రారంభించి నెలకాక ముందే బందయ్యింది. ఆదాయం రావడం లేదని, దాన్ని నడుపలేమని నిర్వాహకులు చేతులెత్తేశారు. బ్యాంకు నుంచి రూ. 5 లక్షల రుణం తీసుకుని క్యాంటీన్ ప్రారంభించగా, ప్రభుత్వం సరైన ప్రణాళిక లేకుండా ఈ పథకాన్ని ప్రవేశపెట్టడంతో మూడు రోజుల వ్యవధిలోనే కష్టాలు మొదలయ్యాయి. దీంతో ఆర్థికంగా తమను ఆదుకుంటుందన్న మహిళల ఆశలు ఆవిరయ్యాయి.
- ప్రారంభించి నెలకాక ముందే తొర్రూరులో బంద్
- కాంగ్రెస్ ప్రతిష్టాత్మక పథకం తుస్సు
- ఆదాయం రావడం లేదని చేతులెత్తేసిన నిర్వాహకులు
కాంగ్రెస్ సర్కారు ప్రతిష్టాత్మకంగా చేపట్టిన ఇందిరా మహిళా శక్తి క్యాంటీన్లు మూతపడుతున్నాయి. మహబూబాబాద్ జిల్లా తొర్రూరులో ప్రారంభించి నెలకాక ముందే బందయ్యింది. ఆదాయం రావడం లేదని, దాన్ని నడుపలేమని నిర్వాహకులు చేతులెత్తేశారు. బ్యాంకు నుంచి రూ. 5 లక్షల రుణం తీసుకుని క్యాంటీన్ ప్రారంభించగా, ప్రభుత్వం సరైన ప్రణాళిక లేకుండా ఈ పథకాన్ని ప్రవేశపెట్టడంతో మూడు రోజుల వ్యవధిలోనే కష్టాలు మొదలయ్యాయి. దీంతో ఆర్థికంగా తమను ఆదుకుంటుందన్న మహిళల ఆశలు ఆవిరయ్యాయి.
– తొర్రూరు, ఫిబ్రవరి 25
మహిళలను ఆర్థికంగా ప్రోత్సహించాలని కాంగ్రె స్ సర్కారు ప్రవేశపెట్టిన ‘ఇందిరా మహిళా శక్తి పథకం’కు ఆదిలోనే ఆటంకాలు ఏర్పడ్డాయి. తొర్రూరులోని అన్నారం రోడ్డు సమీపంలో మదర్ థెరి స్సా మహిళా సహాయక సంఘం భవనంలో 2024 డిసెంబర్ 6న పాలకుర్తి ఎమ్మెల్యే మామిడాల యశస్వినీరెడ్డి ప్రారంభించారు. ఈ క్యాంటీన్ నిర్వహణకు వీవో అరుణజ్యోతి సంఘం ఆధ్వర్యంలో ఫత్తేపురం గ్రామానికి చెందిన జీవన జ్యోతి మహిళా పొదుపు సంఘం ముందుకొచ్చింది. ఇందులో ముగ్గురు సభ్యులు సంధ్య, పద్మ, హైమ బ్యాంకు నుంచి రూ. ఐదు లక్షల రుణాన్ని తీసుకొని, రూ. 4 లక్షలతో క్యాంటీన్ ప్రారంభించారు. ఆర్థిక లక్ష్యాలను చేరుకునేందుకు ప్రభు త్వం సరైన ప్రణాళిక, అవగాహన లేకుండా పథకాన్ని ప్రవేశపెట్టడంతో మూడు రోజుల వ్యవధిలోనే మూతపడింది.
ఆదాయం అంతంత మాత్రమే..
క్యాంటీన్ ప్రారంభించినప్పటి నుంచి ప్రతి రోజూ రూ. 200-400 మధ్యే ఆదాయం వస్తున్న ద ని, నిర్వహణా వ్యయం భరించలేకపోతున్నామని నిర్వాహకులు పేర్కొంటున్నారు. ఆర్థికంగా నష్టపోతున్నామని, కొనసాగించలేమని అధికారుల కు తేల్చి చెప్పారు. క్యాంటీన్ ఏర్పాటు చేసిన ప్రదే శం సరైనదేనా? లేకపోతే మార్చాల్సిన అవసరముందా? స్థానికులు వినియోగించేందుకు ఆసక్తి చూపడం లేదా? అన్న సందేహాలు నిర్వాహకుల్లో వ్యక్తమవుతున్నాయి.
క్యాంటీన్ నడపలేం..
ఇందిరమ్మ మహిళా క్యాంటీన్ ప్రారంభించి స్వ యం ఉపాధి ద్వారా ఆర్థికంగా ఎదగాలని ఆశపడ్డా ను. కానీ వస్తున్న ఆదాయం పెట్టుబడికే సరిపోవడం లేదు. అదేవిధంగా సీఐఎఫ్ ద్వారా బ్యాంకు నుంచి రూ.4లక్షల రుణం తీసుకొని, రూము, తలుపులు, వంట సామగ్రి కోసం రూ.3,20,000 ఖర్చు చేశా ను. రెండు నెలలు కిస్తీలు రూ. 2400 కట్టాను. క్యాం టీన్ నడుపలేమని అధికారులకు విన్నవించాను.
– సంధ్య, జీవనజ్యోతి సంఘం సభ్యురాలు
వేరే వారికి కేటాయిస్తాం..
ఇందిరా మహిళా శక్తి క్యాంటీన్ నడుపలేమని నిర్వాహకులు చెప్పేశారు. ఇంకా అధికారికంగా తెలియజేయలేదు. క్యాంటీన్ నిర్వహణలో ఎకువ మంది ఆసక్తి చూపితే టెండర్ ద్వారా కేటాయిస్తాం. దీని నిర్వహణ గరిష్ఠంగా నాలుగేళ్లపాటు ఉంటుంది. ఆ తర్వాత కొత్త వారికి అవకాశం కల్పిస్తాం.
-సంజీవరావు, ఏపీఎం, తొర్రూరు
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
ఇందిరమ్మ కుటుంబ జీవిత బీమా పథకం పేద కుటుంబాలకు అండ
సారపాకలో ఇసుక అక్రమ రవాణా అడ్డుకట్టకు చర్యలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పదికి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

